Ինչ է հայտնաբերվել Երևանում պարեկների գիշերային շրջայցերի ժամանակ

Ինչ է հայտնաբերվել Երևանում պարեկների գիշերային շրջայցերի ժամանակ

Wed, 17 Jun 2026 22:45:56 +0400


Պարեկային ծառայության Երևան քաղաքի գնդի ծառայողները հունիսի 14-ին իրականացրած գիշերային ծառայության ժամանակ թմրամիջոց պահելու և օգտագործելու մի շարք դեպքեր են բացահայտել։

Մասնավորապես, Երևան քաղաքի գնդի 3-րդ գումարտակի ծառայողները Քանաքեռ-Զեյթուն թաղամասում գտնվող գերեզմանատանը հայտնաբերել, թմրանյութ պահելու և օգտագործելու կասկածանքով ձերբակալել և Համայնքային ոստիկանության Քանաքեռ-Զեյթունի բաժին են տեղափոխել 23-ամյա մի երիտասարդի։ Նրա անձնական խուզարկությամբ հայտնաբերվել է մարիխուանա տեսակի թմրամիջոցի նմանվող զանգված։

3-րդ գումարտակի ծառայողները ժամը 2․45-ի սահմաններում Արշակունյաց պողոտայում հայտնաբերել, թմրանյութ պահելու և օգտագործելու կասկածանքով ձերբակալել և Համայնքային ոստիկանության Կենտրոնականի բաժին են տեղափոխել 25-ամյա մի երիտասարդի։ Նրա անձնական խուզարկությամբ հայտնաբերվել է մոխրացած հետքերով ապակե գլանակ։

3-րդ գումարտակի պարեկները գիշերային ծառայության ժամանակ թմրանյութ պահելու և օգտագործելու ևս մեկ դեպք են բացահայտել Արշակունյաց պողոտայում։ Ժամը 4-ի սահմաններում ձերբակալվել և Համայնքային ոստիկանության Կենտրոնականի բաժին է տեղափոխվել 25-ամյա մի երիտասարդ։ Նրա անձնական խուզարկությամբ հայտնաբերվել է թմրամիջոցի նմանվող զանգվածով փաթեթ։

Հունիսի 14-ին թմրամիջոցի ապօրինի շրջանառության դեպքեր են բացահայտել նաև Երևան քաղաքի գնդի 2-րդ գումարտակի պարեկները։ Ժամը 23․20-ի սահմաններում Զաքյան փողոցի հասցեներից մեկի մոտ հայտնաբերվել, ձերբակալվել և Համայնքային ոստիկանության Կենտրոնականի բաժին է տեղափոխվել 27-ամյա մի երիտասարդ, որի անձնական խուզարկությամբ հայտնաբերվել են մարիխուանա տեսակի թմրամիջոցի նմանվող զանգվածով փաթեթ և մոխրացած հետքերով կաթուցիչ։

Երևանի գնդի 2-րդ գումարտակի պարեկները թմրանյութ պահելու և օգտագործելու դեպք են բացահայտել նաև հունիսի 15-ին իրականացրած գիշերային ծառայության ժամանակ։ Նրանք կեսգիշերն անց Աճառյան փողոցի 1-ին նրբանցքում հայտնաբերել, ձերբակալել և Համայնքային ոստիկանության Ավանի բաժին են տեղափոխել Արմավիր քաղաքում հաշվառված 23-ամյա մի երիտասարդի։ Նրա անձնական խուզարկությամբ հայտնաբերվել են մարիխուանա տեսակի թմրամիջոցի նմանվող զանգվածով փաթեթ և մոխրացած հետքերով կաթուցիչ։

Հունիսի 14-ին թմրամիջոց ձեռք բերելու, պահելու և օգտագործելու դեպք են բացահայտել նաև ՊԾ Երևան քաղաքի գնդի 1-ին գումարտակի պարեկները։ Նրանք Քըրք Քըրքորյան փողոցի հասցեներից մեկի մոտ հայտնաբերել, ձերբակալել և Համայնքային ոստիկանության Մաշտոցի բաժին են տեղափոխել 35-ամյա մի երիտասարդի։ Նրա անձնական խուզարկությամբ հայտնաբերվել են մեթադոն տեսակի թմրամիջոցի նմանվող 7 դեղահաբ, ներարկիչներ, մոխրացած հետքերով լամպ և դանակ։

Բոլոր դեպքերով կազմված փաստաթղթերն ուղարկվել են քննչական բաժիններ։ Քննությամբ հանգամանքները բացահայտվում են։

© 2026 Secure News Portal

Source: Hraparak

Hraparak.am

Recent Posts

«Կապի՞կ ես` բանանը ձեռքդ ֆռֆռում ես», «Ուրախ ես` նոր երկրներ տեսնելու համար, բայց դարձել ես ծաղրի առարկա».քոմենթներ

«Կապի՞կ ես` բանանը ձեռքդ ֆռֆռում ես», «Ուրախ ես` նոր երկրներ տեսնելու համար, բայց դարձել ես…

8 րոպե ago

Արսենի մահը սպանություն էր կալանավայրում. Անդրանիկ Գևորգյան

Արսենի մահը սպանություն էր կալանավայրում. Անդրանիկ Գևորգյան Tue, 17 Nov 2026 21:12:29 +0400 Latest news…

11 րոպե ago

Վեպ՝ մարդ մնալու իրավունքի մասին

Վեպ՝ մարդ մնալու իրավունքի մասին Tue, 17 Nov 2026 21:00:27 +0400 Սոնա Աբգարյանի «Եվա» վեպը,…

23 րոպե ago

Ամուսնու համերգին դժվարությամբ է տեղաշարժվել

Ամուսնու համերգին դժվարությամբ է տեղաշարժվել Tue, 17 Nov 2026 20:55:02 +0400 77-ամյա ռուս հայտնի երգչուհի…

29 րոպե ago

Մահացել է ՀՀ ժողովրդական արտիստ Հակոբ Ազիզյանը

Մահացել է ՀՀ ժողովրդական արտիստ Հակոբ Ազիզյանը Tue, 17 Nov 2026 20:52:53 +0400 Խոր ցավով…

31 րոպե ago

Թեյլոր Սվիֆթը կրկնել է ռեկորդը․ 5 ալբոմ անընդմեջ՝ «Գրեմմիի» գլխավոր պայքարում

Թեյլոր Սվիֆթը կրկնել է ռեկորդը․ 5 ալբոմ անընդմեջ՝ «Գրեմմիի» գլխավոր պայքարում Tue, 17 Nov 2026…

31 րոպե ago