Ազգային ժողովում «Գորշ գայլեր» ենք տեսնելու
Thu, 18 Jun 2026 17:55:35 +0400
«Ուժեղ Հայաստան» դաշինքի առաջնորդ Սամվել Կարապետյանը հարցազրույցում հայտարարել է, որ ընտրարշավի ընթացքում իրենք բազմիցս զգուշացրել են հնարավոր վտանգների մասին՝ կապված, նրա խոսքով, 300 հազար ադրբեջանցիների հնարավոր «ներգաղթի»
և Ադրբեջանի նախագահ Իլհամ Ալիևի հայտարարությունների հետ։
Նա նշել է, որ իր համոզմամբ Թուրքիան ունի որոշակի քաղաքական նպատակներ, և այդ համատեքստում հիշատակել է նաև «Գորշ գայլեր» խմբավորման հնարավոր ներգրավվածությունը։ Կարապետյանի խոսքով՝ չի բացառվում, որ այդ կառույցի ներկայացուցիչների ազդեցությունը կարող է նկատելի լինել նաև Հայաստանի Ազգային ժողովում։
Ընդդիմադիր առաջնորդը հավելել է, որ իրենք շարունակելու են բարձրաձայնել իրենց մտահոգությունները և պայքարել իրենց գնահատմամբ առկա վտանգների դեմ՝ ընդգծելով, որ պայքարի բացակայությունը կարող է հանգեցնել անցանկալի զարգացումների երկրի ներսում։
«Թուրքիան ունի նպատակ, դրա համար ասում էի, որ այս ծրագրի մեջ մասնակցում են «Գորշ գայլերը»։ Եվ այդպիսի «Գորշ գայլեր» հաստատ մենք կտեսնենք մեր Ազգային ժողովում, կոնկրետ՝ նրանց ներկայացուցիչներին»,- նշել է նա: