Հունիսի 15-ին Տավուշի մարզպետ Հայկ Ղալումյանին տեղեկատվական հարցում եմ արել․ «Ապրիլի 26-ին կայացել է ուսուցիչների կամավորում ատեստավորում, որին մասնակցել են բացառապես ատեստավորումից 2 և ավելի անգամ բացասական արդյունքներ ունեցած ուսուցիչները։ Տավուշի մարզի հանրակրթական դպրոցների քանի՞ ուսուցիչ է մասնակցել լրացուցիչ այդ ատեստավորմանը, նրանցից քանի՞սն է դրական արդյունք ունեցել։ Բացասական արդյունք ունեցածները 2026-2027 ուսումնական տարում աշխատելո՞ւ են Տավուշի հանրակրթական դպրոցներում» ։

Մարզպետի աշխատակազմից պատասխանել են․ «Կամավոր ատեստավորման մասնակիցների և արդյունքների մասին հաշվառում չի իրականացվում, իսկ 2 և ավելի բացասական արդյունք ունեցողների 2026-2027 ուստարում աշխատելու մասին կարող ենք պատասխանել նոր ուսումնական տարում»: