Քաղցր «թույն»․ ինչու են վտանգավոր մրգային հյութերը և ում համար
Thu, 25 Jun 2026 22:30:13 +0400
Մրգային հյութերը բացասաբար են ազդում ածխաջրերի նյութափոխանակության վրա, ուստի դրանք հակացուցված են շաքարախտ ունեցող մարդկանց համար, նշել է ռուս սննդաբան և էնդոկրինոլոգ Անտոն Պոլյակովը։
«Մրգային հյութերը պարզ շաքարներով հարուստ ըմպելիքներ են։ Պարզ շաքարները չափազանց բացասաբար են ազդում ածխաջրերի նյութափոխանակության վրա։ Հետևաբար, քաղցր հյութերը խստիվ արգելվում են շաքարախտի տարբեր աստիճանի և բնույթի, ինչպես նաև այլ նմանատիպ հիվանդություններ ունեցող անձանց համար», – aif.ru-ին ասել է Պոլյակովը։
Բժշկի խոսքով՝ խնդիրը ոչ թե այն է, որ դրանք մրգային հյութեր են, այլ շաքարի բարձր պարունակությունը։ Նա նաև ցրել է այն միֆը, թե խանութից գնված հյութերը բնական են. հաճախ փաթեթավորման վրա շողշողուն անվանումները թաքցնում են տարբեր բաղադրիչներ։
«Հաճախ պնդում են, որ բաղադրիչները պարունակում են ելակ, բալ, արքայախնձոր կամ այլ մրգեր, բայց դա միշտ չէ, որ ճիշտ է։ Ավելի հաճախ հիմքը, ասենք, դդումն է, որը համեմվում է, գունավորվում, կայունացվում և վաճառվում է որպես մրգային արտադրանք», – եզրափակել է բժիշկը։