ՍԴ փոխնախագահը՝ ՍԴ դատավորների՝ նախկինում կուսակցական լինելու մասին
Fri, 26 Jun 2026 11:55:24 +0400
ՍԴ-ում մեկնարկել է 2026 թվականի հունիսի 14-ի` «Հայաստանի Հանրապետության Ազգային ժողովի 2026 թվականի հունիսի 7-ի հերթական ընտրությունների արդյունքներն ամփոփելու մասին» որոշման հետ կապված վեճի քննությունը:
Նիստի մեկնարկից առաջ լրագրողներից մեկը բարձրացրել է այն հարցը, որ դատարանի որոշ դատավորներ նախկինում ունեցել են կուսակցական գործունեություն, ինչը, ըստ որոշ գնահատականների, կարող է կասկածներ առաջացնել դատարանի որոշումների անաչառության վերաբերյալ։
Ի պատասխան հարցին՝ ՍԴ փոխնախագահ Էդգար Շաթիրյանը նշել է, որ այս պահին չի ցանկանում մեկնաբանել այդ պնդումները։ Նա ընդգծել է, որ եթե նման հարցը պաշտոնապես քննարկման առարկա դառնա նիստի ընթացքում, ապա համապատասխան արձագանք կտրվի։