Կրասնոդարում գնահատել են Սպերցյանի հեռանալու հավանականությունը
Sat, 27 Jun 2026 23:15:50 +0400
«Կրասնոդարի» սելեկցիոն ծառայության ղեկավար Մաքսիմ Բուզնիկինը մեկնաբանել է Հայաստանի ազգային հավաքականի կիսապաշտպան Էդուարդ Սպերցյանի՝ ակումբից հեռանալու շուրջ ստեղծված իրավիճակը։
Ավելի վաղ լուրեր էին շրջանառվում, որ Սպերցյանի ծառայություններով հետաքրքրված են մի շարք եվրոպական ակումբներ, ինչպես նաև սաուդյան «Ալ-Ահլին»:
«Էդուարդ Սպերցյանի դեպքում արդյունքին երկար սպասել չի մնացել։ Հավանականություն կա, որ նա այս ամառ կհեռանա «Կրասնոդարից»։ Նման հավանականություն միշտ էլ եղել է։ Այլ ակումբների հետ խոսակցություններ կան, սակայն պաշտոնական առաջարկների մասին դեռ ոչինչ ասել չեմ կարող։
Էդուարդը թիմի ավագն ու առաջատարն է: Մենք միշտ ցանկացել ենք, որ նա շարունակի խաղալ «Կրասնոդարում»։ Ոչ մի դեպքում չենք պատրաստվում դրդել նրան տրանսֆերի կամ վտարել թիմից: Ակումբը հատուկ նպատակ չունի վաճառելու նրա տրանսֆերը, սակայն այս տրանսֆերային պատուհանի ընթացքում հեռանալու շանսեր, այնուամենայնիվ, կան»,- Բուզնիկինի խոսքերն է մեջբերում Sport24-ը: