Քննչական կոմիտեն՝ Գագիկ Ծառուկյանի տան խուզարկության մասին
Mon, 06 Jul 2026 09:24:58 +0400
Քրեական վարույթի շրջանակում կատարվում են անհրաժեշտ քննչական և վարութային գործողություններ, ավելի ուշ հանդես կգանք պաշտոնական հաղորդագրությամբ։ Այս մասին հայտնեցին ՀՀ Քննչական կոմիտեից՝ մեկնաբանելով վաղ առավոտից ԲՀԿ առաջնորդ Գագիկ Ծառուկյանի տանը տեղի ունեցող խուզարկությունը։
Ավելի վաղ հայտնել էինք , որ այսօր՝ հուլիսի 6֊ի վառ առավոտյան խուզարկություն է իրականացվում Գագիկ Ծառուկյանի տանը։
ԲՀԿ անդամ Արման Աբովյանը հայտնել էր, որ Գագիկ Ծառուկյանի տունը շրջապատված է, ինչ–որ ռազմական հագուստով ավտոմատավորներ են. «Այս պահին գործողություններ են ընթանում, չգիտենք առայժմ այս պահի դրությամբ ինչ է, բայց գիտենք, որ ըստ էության տունը շրջապատված է և տան ներսը ինչ-որ գործողություններ են կատարում, առայժմ այսքանը»,– նշել էր նա։
ԲՀԿ առաջնորդի խոսնակ Իվետա Տոնոյանն էլ տեսանյութ էր տարածել՝ նշելով, որ ԱԱԾ դիմակավորված անձինք նույնիսկ փասսաբաններին թույլ չեն տալիս մտնել Գագիկ Ծառուկյանի տուն։
Նշենք, որ նախնական տեղեկություններով միաժամանակ խուզարկություն է կատարվում նաեւ «Մուլտի Գրուպ» ընկերության մի քանի ձեռնարկություններում, նաև Օլիմպիական կոմիտեի բազայում։
Հիշեցնենք, որ օրեր առաջ դատախազությունը միջնորդություն էր ներկայացրել ԿԸՀ՝ Գագիկ Ծառուկյանի անձեռնմխելիությունը հաղթահարելու, որն այդպես էլ չէր քննարկվել։