Մեծ սկանդալ՝ 2026-ի մունդիալում․ Թրամփն այստեղ էլ «միջամտեց»
Mon, 06 Jul 2026 13:00:20 +0400
ՖԻՖԱ-ի կարգապահական կոմիտեն կասեցրել է ԱՄՆ-ի հավաքականի հարձակվող Ֆոլարին Բալոգունի որակազրկումը։ Նա այժմ իրավունք կունենա խաղալու Բելգիայի դեմ աշխարհի առաջնության 1/8 եզրափակիչ խաղում։
Հարձակվողը հեռացվել էր խաղադաշտից Բոսնիա և Հերցեգովինայի դեմ 2-0 հաշվով հաղթանակի ժամանակ՝ Տարիկ Մուհարեմովիչի նկատմամբ թույլ տրված խախտման համար։ ՖԻՖԱ-ի կարգապահական կանոնագրքի 27-րդ հոդվածի համաձայն՝ մեկ խաղով որակազրկումը փոխարինվել է մեկ տարվա փորձաշրջանով։
Նմանատիպ որոշում նախկինում կայացվել էր նաև Կրիշտիանու Ռոնալդուի վերաբերյալ։ 2026 թվականի աշխարհի առաջնության ընտրական փուլում Իռլանդիայի դեմ խաղում որակազրկվելուց հետո նա բաց է թողել միայն մեկ խաղ, իսկ պատժի մնացած մասը պայմանականորեն կասեցվել է՝ հաշվի առնելով նրա կարգապահական ցուցանիշները։
Ամերիկացի լրագրող Բեն Ջեյքոբսը հայտարարել է, որ Բալոգունի որոշումը կարող էր վերանայվել ՖԻՖԱ-ի նախագահ Ջանի Ինֆանտինոյին ուղղված՝ Սպիտակ տան դիմումից հետո։ Reuters-ի փոխանցմամբ՝ Դոնալդ Թրամփը անձամբ խնդրել է վերանայել պատիժը, սակայն ՖԻՖԱ-ն ընդգծել է, որ կարգապահական կոմիտեն գործում է անկախ։
Որոշումից հետո Թրամփը TruthSocial-ում շնորհակալություն է հայտնել ՖԻՖԱ-ին՝ նշելով, որ կազմակերպությունը «ուղղել է մեծ անարդարությունը»։ Բալոգունը, ով երեք խաղում խփել է երեք գոլ, մնում է Միացյալ Նահանգների լավագույն ռմբարկուն մունդիալում։