Կիևը ՄԱԿ-ի ԱԽ արտակարգ նիստ է խնդրում․ ահազանգ
Mon, 06 Jul 2026 15:00:34 +0400
Հուլիսին Կիևի վրա երկու լայնածավալ հարձակումներից հետո Ուկրաինան ՄԱԿ-ի Անվտանգության խորհրդի արտակարգ նիստ է խնդրել, հայտարարել է Ուկրաինայի արտաքին գործերի նախարար Անդրեյ Սիբիգան։
«Ուշացած կամ թույլ արձագանքները չեն կանգնեցնի ահաբեկչությունը։ Միայն ուժեղ, սկզբունքային և ժամանակին կատարված գործողությունները կարող են դա անել։ Միջազգային հանրությունը պետք է միավորվի՝ ագրեսորին զսպելու և ՄԱԿ-ի կանոնադրությանը համապատասխան համապարփակ, արդար և երկարատև խաղաղություն խթանելու համար», – գրել է Սիբիգան։
Հիշեցնենք, անցած գիշեր ռուսական ուժերը զանգվածային հրթիռային և անօդաչու թռչող սարքերով հարված են հասցրել Կիևին և շրջակա շրջաններին։ Տասնմեկ մարդ զոհվել է քաղաքում, ևս երեքը՝ շրջաններում։
Քաղաքում ընդհանուր առմամբ վնասվել է մոտ 30 շենք։
Ռուսաստանը նախորդ զանգվածային հարվածը հասցրել է Կիևի վրա հուլիսի 2-ին, որի հետևանքով զոհվել է 31 մարդ։
Երկու դեպքում էլ ռուս զինվորականները պնդում են, որ հարձակվել են ռազմական թիրախների՝ Ուկրաինայի պաշտպանական արդյունաբերության օբյեկտների վրա։