Որն էր հաջողության գաղտնիքը
Tue, 07 Jul 2026 17:15:27 +0400
Իսպանիայի ազգային հավաքականը երկար դադարից հետո կրկին հայտնվել է աշխարհի առաջնության քառորդ եզրափակիչում։ Իսպանացիները 2026 թվականի աշխարհի առաջնության 1/8 եզրափակիչում նվազագույն հաշվով՝ 1։0, հաղթեցին Պորտուգալիայի ընտրանուն՝ ապահովելով հաջորդ փուլի ուղեգիրը։
Հանդիպման միակ գոլը գրանցվեց հիմնական ժամանակի ավարտից հետո։ Լրացուցիչ րոպեներին աչքի ընկավ Միկել Մերինոն՝ իր թիմին պարգևելով կարևորագույն հաղթանակ։
Խաղից հետո Իսպանիայի հավաքականի գլխավոր մարզիչ Լուիս դե լա Ֆուենտեն նշել է, որ հանդիպման ելքի վրա մեծ ազդեցություն են ունեցել պահեստայինների ճիշտ օգտագործումն ու նրանց ներդրումը։
Իսպանացի մասնագետի խոսքով՝ Մերինոյի խաղադաշտ դուրս գալը նպատակ ուներ ուժեղացնել թիմի գործողությունները կիսապաշտպանությունում և հարձակման գծում՝ ավելացնելով խաղի արագությունն ու էներգիան։
«Փոխարինման դուրս եկող ֆուտբոլիստները շատ կարևոր դեր ունեն։ Մերինոյին ասացի, որ պետք է շարունակենք խաղալ մեր ոճով։ Նրա խնդիրն էր օգնել ինչպես կիսապաշտպանությանը, այնպես էլ հարձակմանը։ Մենք ցանկանում էինք փոխարինումներով փոխել խաղի ընթացքն ու ավելի մեծ թափ հաղորդել թիմին։ Մեր ուժն այն է, որ ունենք բարձրակարգ 26 ֆուտբոլիստ, և յուրաքանչյուրն ունակ է փոխել հանդիպման զարգացումը»,- նշել է Դե լա Ֆուենտեն։