«Հելսինկյան ասոցիացիան»` Նինա Կարապետյանցի անդամակցության դադարեցման մասին

«Հելսինկյան ասոցիացիան»` Նինա Կարապետյանցի անդամակցության դադարեցման մասին

Thu, 09 Jul 2026 16:52:32 +0400


«Հելսինկյան ասոցիացիա» իրավապաշտպան հասարակական կազմակերպության նախագահ Կարինե Թորոսյանը կազմակերպության նախկին ղեկավար Նինա Կարապետյանցին օրերս ծանուցել է նրա անդամակցության դադարեցման մասին:

Մենք ներկայացրել էինք Նինա Կարապետյանցի տեսակետը, ներկայացնում ենք նաեւ Հելսինկյան ասոցիացիայի պատասխանը:

Ի պատասխան Նինա Կարապետյանցի կողմից սոցիալական ցանցում և մամուլում կատարած մեկնաբանությունների՝ «Հելսինկյան ասոցիացիա» իրավապաշտպան հասարակական կազմակերպությունը հարկ է համարում ներկայացնել հետևյալ պարզաբանումը։

Կազմակերպությունն իր գործունեության ողջ ընթացքում եղել և շարունակում է մնալ անկախ իրավապաշտպան կազմակերպություն։ Կազմակերպության գործունեությունը հիմնված է մարդու իրավունքների պաշտպանության, օրենքի գերակայության, անկախության, անկողմնակալության և հանրային վստահության պահպանման սկզբունքների վրա։ Իր գործունեության ընթացքում այն մշտապես պահպանել է անկախ դիրքորոշում ցանկացած քաղաքական ուժից, կուսակցությունից կամ շարժումից։

Հարգելով յուրաքանչյուր անձի քաղաքական իրավունքները և ազատ ընտրությունը՝ միևնույն ժամանակ կազմակերպությունը պարտավոր է պահպանել իր չեզոքությունն ու անկախությունը, որպեսզի որևէ կերպ չընկալվի որպես որևէ քաղաքական ուժի հետ նույնականացված կամ համակրող կառույց։ Սա կարևոր նշանակություն ունի կազմակերպության հեղինակության, շահառուների, գործընկերների և միջազգային աջակիցների վստահության պահպանման համար։

Նինա Կարապետյանցը դեռևս 2025 թվականի օգոստոսի 19-ին հրապարակային ելույթի ընթացքում հայտարարել էր, որ դադարեցնում է իր իրավապաշտպան գործունեությունը և անցնում քաղաքական գործունեության դաշտ։ Այդ մասին կազմակերպության անդամները տեղեկացել են նրա հրապարակային հայտարարությունից հետո։

Առաջարկվել էր քննարկել Ն․ Կարապետյանցի անդամակցության հետագա հարցը՝ հաշվի առնելով նրա գործունեության փոփոխությունը և կազմակերպության կառավարմանը ու գործունեությանը նրա մասնակցության բացակայության հանգամանքը։ Սակայն, հարգելով նրա երկարամյա ներդրումը կազմակերպության գործունեության մեջ և ցանկանալով խուսափել որևէ քայլից, որը կարող էր ընկալվել որպես նրա քաղաքական գործունեության վրա ազդեցություն կամ վնասել նրան նախընտրական և հետընտրական գործընթացների ընթացքում, հարցի քննարկումը հետաձգվել էր։

Հիմք ընդունելով վերոնշյալը՝ 2026 թվականի հուլիսի 3-ին կայացած անդամների արտահերթ ժողովում հարցը քննարկվել է և որոշում է կայացվել դադարեցնել Նինա Կարապետյանցի անդամակցությունը կազմակերպությանը։

Միաժամանակ ընդունում ենք, որ անդամակցության դադարեցման վերաբերյալ ծանուցման մեջ օգտագործված առանձին ձևակերպումը կարող էր լինել ավելի հստակ և նրբանկատ։ Կազմակերպությունը նպատակ չի ունեցել որևէ կերպ գնահատելու Ն․ Կարապետյանցի անձնական ընտրությունը կամ քաղաքական գործունեությունը։

Կազմակերպությունը շարունակելու է իրականացնել իր առաքելությունը՝ առաջնորդվելով բացառապես մարդու իրավունքների պաշտպանության սկզբունքներով։

© 2026 Secure News Portal

Source: Hraparak

Hraparak.am

Recent Posts

Միասին այսօր գնացինք բանտ, որ եղբայրս կարողանա շնորհավորել որդուն

Միասին այսօր գնացինք բանտ, որ եղբայրս կարողանա շնորհավորել որդուն Tue, 17 Nov 2026 00:24:12 +0400…

14 րոպե ago

Լուսինե Բեկչյանն ազատվել է պաշտոնից

Լուսինե Բեկչյանն ազատվել է պաշտոնից Tue, 17 Nov 2026 00:19:41 +0400 Ազգային ժողովի նախագահ Ռուբեն…

19 րոպե ago

Քիմ Քարդաշյանը` Louis Vuitton-ի բուժքրոջ կերպարում

Քիմ Քարդաշյանը` Louis Vuitton-ի բուժքրոջ կերպարում Mon, 16 Nov 2026 23:50:02 +0400 Քիմ Քարդաշյանն առանձնահատուկ…

48 րոպե ago

Գնալուդ ժամանակն է, Նիկոլ ջան

Գնալուդ ժամանակն է, Նիկոլ ջան Mon, 16 Nov 2026 23:45:20 +0400 Երբ եկար լավն էիր…

53 րոպե ago

Ինչո՞վ է առանձնահատուկ 2,5 միլիոն դոլար արժողությամբ ժամացույցը

Ինչո՞վ է առանձնահատուկ 2,5 միլիոն դոլար արժողությամբ ժամացույցը Mon, 16 Nov 2026 23:30:09 +0400 Շվեյցարական…

1 ժամ ago

TikTok-ում տարօրինակ թրենդ է տարածվում

TikTok-ում տարօրինակ թրենդ է տարածվում Mon, 16 Nov 2026 23:07:05 +0400 TikTok-ում մեծ թափ է…

2 ժամ ago