Երկրպագուներ են ձերբակալվել. մանրամասներ
Fri, 10 Jul 2026 13:45:52 +0400
Լոնդոնի կենտրոնում անցած գիշեր անկարգություններ են տեղի ունեցել Մարոկկոյի հավաքականի երկրպագուների մասնակցությամբ՝ Ֆրանսիայի ընտրանուց կրած պարտությունից հետո։ Դեպքերի ընթացքում ոստիկաններից մեկը վնասվածք է ստացել՝ գլխին ապակե շշի հարվածի հետևանքով, և տեղափոխվել հիվանդանոց։
Ըստ հաղորդումների՝ հավաքվածներից որոշները հրավառություն են իրականացրել, ինչպես նաև տարբեր առարկաներ նետել իրավապահների ուղղությամբ։ Լոնդոնի Մետրոպոլիտեն ոստիկանությունը հայտնել է, որ ուժերը կանչվել են այն բանից հետո, երբ մարդկանց խումբը փակել է ճանապարհը և խոչընդոտել երթևեկությանը։
Իրավապահները բռնի վարքագծի համար ձերբակալել են չորս մարդու։