Կիևը պնդում է՝ վերջին կես տարում ռուսները ոչ մի հաջողություն չեն գրանցել
Fri, 10 Jul 2026 16:00:18 +0400
Ռուսական զորքերը փորձեցին լայնածավալ հարձակում սկսել, սակայն չկարողացան հասնել իրենց նպատակներից որևէ մեկին։ Ընդ որում, Ռուսաստանը գրեթե 2-1 հարաբերակցությամբ գերազանցություն ուներ անձնակազմի և տեխնիկայի առումով։ Այս մասին ուրբաթ՝ հուլիսի 10-ին, հայտարարել է Ուկրաինայի զինված ուժերի գլխավոր հրամանատար Ալեքսանդր Սիրսկին՝ 2026 թվականի առաջին կիսամյակի արդյունքներն ամփոփելիս։
«Նախկինում ռուսական բանակը ակտիվ հարձակողական գործողություններ էր իրականացնում 13 օպերատիվ հատվածներում, իսկ այժմ մնացել է առավելագույնը վեց կամ յոթ նման հատված», – ընդգծել է նա։
Սիրսկին հայտարարել է, որ ուկրաինացի մարտիկները շարունակում են իրենց պաշտպանական գործողությունները, իսկ որոշ հատվածներում նրանք ակտիվ գործողություններ են իրականացնում և պահպանում են օպերատիվ նախաձեռնությունը։
Ներկայում, ըստ Ուկրաինայի զինված ուժերի գլխավոր հրամանատարի, ուկրաինական և ռուսական զորքերի հարձակողական գործողությունների հարաբերակցությունը մոտավորապես 40-ը 60-ի է։
«Հենց Պաշտպանության ուժերի 2026 թվականի առաջին կեսին ակտիվ գործողությունների շնորհիվ է, որ ռուսական զորքերի առաջխաղացման տեմպը կրճատվել է ավելի քան կիսով չափ», – հայտարարել է Սիրսկին։
Նա նաև նշել է, որ ռուս զինվորների սպանված և վիրավորվածների միջին ամսական կորուստը կազմում է մոտավորապես 32,000: Սիրսկին ընդգծել է, որ Ուկրաինայի զինված ուժերը իրականացնում են ռուսական բանակի դեմ հյուծման ռազմավարություն: Նրա խոսքով՝ երկու կողմերի առաջխաղացման տեմպերը գործնականում մոտեցել են հավասարությանը։