Բոլորը պիտի «մուծվեն»․ Թրամփի այս շանտաժն էլ անցավ
Fri, 10 Jul 2026 16:30:11 +0400
Իսպանիայի կառավարությունը հայտարարել է, որ ԱՄՆ նախագահ Դոնալդ Թրամփը մեղմացրել է Իսպանիայի նկատմամբ իր հռետորաբանությունը՝ իմանալով վերջին տարիներին Մադրիդի կողմից դաշինքին կատարվող ներդրումների կտրուկ աճի մասին։ Այս մասին հայտարարել է Իսպանիայի վարչապետ Պեդրո Սանչեսի խոսնակը, ինչպես մեջբերել է Reuters-ը։
Չորեքշաբթի օրը Անկարայում ՆԱՏՕ-ի գագաթնաժողովում Թրամփը Իսպանիային անվանել է «սարսափելի գործընկեր» և հրամայել անհապաղ դադարեցնել երկրի հետ ողջ առևտուրը՝ պաշտպանական ծախսերի և Իրանի հետ պատերազմի շուրջ վեճերի պատճառով։
Գագաթնաժողովից հետո ԱՄՆ վերադառնալու ճանապարհին նա Air Force One-ում լրագրողներին ասել է. «Ես խնդիրներ ունեի և դեռ խնդիրներ ունեմ։ Բայց Իսպանիան այսօր ամբողջությամբ փոխեց իր դիրքորոշումը։ Իսպանիան այսօր մեծ առատաձեռնություն ցուցաբերեց»։
Երբ նրան հարցրել են, թե ինչ է արել Իսպանիան, նա պատասխանել է. «Նրանք կատարել են զգալի վճարումների խնդրանքը, և եթե դա չանեին, մենք նույնիսկ չէինք խոսի նրանց հետ»։