«Ծառուկյանն էնքան օրհնանք ա լսել, ինչքան որ Նիկոլը՝ քֆուր ու անեծք»

«Ծառուկյանն էնքան օրհնանք ա լսել, ինչքան որ Նիկոլը՝ քֆուր ու անեծք»

Wed, 22 Jul 2026 14:45:26 +0400


Երբ Ծառուկյանին ոստիկանները ուղեկցում էին Քննչական կոմիտե, նրա համակիրները բարձրաձայն վանկարկում էին՝ «Ծառուկյա՜ն, Ծառուկյա՜ն․․․»։ Այդ տեսարանին զուգահեռ սոցիալական ցանցերում անմիջապես ակտիվացան իշխանամետ գրառումները։ Անզեն աչքով էլ նկատելի էր դրանց ուղղորդված բնույթը՝ «թալանչի է», «վերջապես փողերը կխլեն» և նմանատիպ՝ «պայքար նախկինների դեմ» ոճի մեկնաբանություններ։ Բնական է նաև Ծառուկյանի կողմնակիցների վերաբերմունքը։ Յուրաքանչյուրն իր գնահատականն ունի, և հասարակությունը, ինչպես միշտ, բաժանված է տարբեր կարծիքների։

Սակայն մարդկանց գերակշիռ, կասեի՝ սթափ դատող մասը, գտնում է, որ սա հարված է ոչ թե միայն Ծառուկյանին, այլ Հայաստանին։ Որովհետև, անկախ քաղաքական համակրանքներից, երբ խոշոր գործարարի նկատմամբ իրականացվող գործողությունները հասարակության մեջ ընկալվում են որպես քաղաքական հաշվեհարդար, դրանից վնասվում է ոչ միայն տվյալ անձի հեղինակությունը, այլև պետության նկատմամբ վստահությունը։ Այդպիսի գործընթացները միշտ էլ ավելի լայն հետևանքներ են ունենում, քան մեկ անձի շուրջ ստեղծված իրավիճակը։

Հազարավոր գրառումներ եմ կարդացել՝ հասկանալու՝ ի՞նչ են մտածում մարդիկ։ Ասեմ՝ դժվար է կողմնորոշվել, որովհետև իշխանության կողմից ներդրված ֆեյքերը շատ են, և հարկավոր է նրանց էջը բացել ու հասկանալ, թե ովքեր են, որ այդպես կուրծք ծեծելով անպատվում են գործարարին։ Երբ տեսնում ես նույն բառապաշարը, նույն մեղադրանքները, նույն ձևակերպումները, ակամայից տպավորություն է ստեղծվում, որ շատ դեպքերում մարդիկ պարզապես կրկնում են իրենց մատուցված թեզերը, այլ ոչ թե արտահայտում սեփական կարծիքը։

Հազարավոր գրառումների մեջ ինձ մեկը թվաց իրականությանը շատ մոտ, որը ոչ թե վերաբերմունք էր, այլ փաստի արձանագրում․ «Ծառուկյանը էնքան օրհնանք ա լսել, ինչքան որ Նիկոլը՝ քֆուր ու անեծք»։ Դա մարդ էր, որը ոչ մեկին չէր գովաբանում և ոչ մեկին չէր պաշտպանում։ Նա պարզապես մի պարզ արձանագրում էր անում։ Անգամ Փաշինյանը չի կարող ասել, որ այդ մարդը ճիշտ չի խոսում կամ աղավաղում է փաստերը։ Դա գնահատական չէ, այլ այն իրականությունը, որը տարիների ընթացքում ձևավորվել է հասարակության մեջ։

Ի վերջո, մարդկանց վերաբերմունքը ձևավորվում է ոչ թե քարոզչությամբ, այլ իրենց տեսածով ու ապրածով։ Եթե մեկը տարիներ շարունակ ստացել է մարդկանց օրհնանքը, իսկ մյուսը՝ անեծքն ու հայհոյանքը, ապա դրա պատճառները պետք է փնտրել նրանց գործերի, վարքագծի և հասարակության հետ ունեցած հարաբերությունների մեջ, ոչ թե միայն մեկնաբանությունների բաժնում։

Կշեռքի վրա դրեք Փաշինյանի ու Ծառուկյանի գործերը և կհասկանաք, թե ինչու է մեկը օրհնանք ստացել, մյուսը՝ քֆուր ու անեծք։ Ուրիշ բան պետք չէ։

© 2026 Secure News Portal

Source: Hraparak

Hraparak.am

Recent Posts

Միասին այսօր գնացինք բանտ, որ եղբայրս կարողանա շնորհավորել որդուն

Միասին այսօր գնացինք բանտ, որ եղբայրս կարողանա շնորհավորել որդուն Tue, 17 Nov 2026 00:24:12 +0400…

2 ժամ ago

Լուսինե Բեկչյանն ազատվել է պաշտոնից

Լուսինե Բեկչյանն ազատվել է պաշտոնից Tue, 17 Nov 2026 00:19:41 +0400 Ազգային ժողովի նախագահ Ռուբեն…

2 ժամ ago

Քիմ Քարդաշյանը` Louis Vuitton-ի բուժքրոջ կերպարում

Քիմ Քարդաշյանը` Louis Vuitton-ի բուժքրոջ կերպարում Mon, 16 Nov 2026 23:50:02 +0400 Քիմ Քարդաշյանն առանձնահատուկ…

3 ժամ ago

Գնալուդ ժամանակն է, Նիկոլ ջան

Գնալուդ ժամանակն է, Նիկոլ ջան Mon, 16 Nov 2026 23:45:20 +0400 Երբ եկար լավն էիր…

3 ժամ ago

Ինչո՞վ է առանձնահատուկ 2,5 միլիոն դոլար արժողությամբ ժամացույցը

Ինչո՞վ է առանձնահատուկ 2,5 միլիոն դոլար արժողությամբ ժամացույցը Mon, 16 Nov 2026 23:30:09 +0400 Շվեյցարական…

3 ժամ ago

TikTok-ում տարօրինակ թրենդ է տարածվում

TikTok-ում տարօրինակ թրենդ է տարածվում Mon, 16 Nov 2026 23:07:05 +0400 TikTok-ում մեծ թափ է…

3 ժամ ago