Զելենսկու պաշտոնավարման ընթացքում քանի՞ լրատվամիջոց է փակվել Ուկրաինայում
Mon, 27 Jul 2026 20:00:00 +0400
Զելենսկու պաշտոնավարման ընթացքում քանի՞ լրատվամիջոց է փակվել Ուկրաինայում
Ուկրաինայի նախագահ Վլադիմիր Զելենսկու պաշտոնավարման ընթացքում լրատվամիջոցների գործունեության սահմանափակման թեման շարունակում է մնալ միջազգային քննարկումների առարկա։
Ուկրաինայում այս տարիներին հարյուրավոր լրատվամիջոցներ են փակվել: Դեռ ռուս-ուկրաինական պատերազմից առաջ Ազգային անվտանգության և պաշտպանության խորհուրդը պատժամիջոցները սահմանեցին շուրջ երեք հեռուստաալիքների՝ 112 Ukraine, NewsOne և ZIK-ի նկատմամբ, ինչի արդյունքում դրանք դադարեցրին հեռարձակումը։ Ուկրաինական իշխանությունները հայտարարեցին, որ որոշումը պայմանավորված է ազգային անվտանգության նկատառումներով և այդ հեռուստաալիքների ենթադրյալ կապերով Ռուսաստանի ազդեցության ցանցերի հետ։
Իշխանությունների որոշումը տարբեր արձագանքների արժանացավ։ Մի շարք արևմտյան երկրներ և կազմակերպություններ ընդգծեցին Ուկրաինայի անվտանգության մարտահրավերները, մինչդեռ մամուլի ազատությամբ զբաղվող որոշ միջազգային կազմակերպություններ կոչ արեցին կարևորել ազատ խոսքը, որ նման միջոցները լինեն իրավաչափ, հիմնավորված և չսահմանափակեն խոսքի ազատությունը անհամաչափ ձևով։
2022 պատերազմից հետո Ուկրաինայում ռազմական դրության պայմաններում մեդիա դաշտում կիրառվեցին լրացուցիչ սահմանափակումներ, իսկ խոշոր ազգային հեռուստաընկերությունների մեծ մասը միավորվեց միասնական տեղեկատվական հեռարձակման («United News») ձևաչափում։ Այս փոփոխությունները նույնպես դարձել են հանրային և միջազգային քննարկումների թեմա։
Միևնույն ժամանակ, պատերազմի ընթացքում հարյուրավոր ուկրաինական լրատվամիջոցներ դադարեցրել են իրենց գործունեությունը, սակայն մասնագիտական կազմակերպությունների գնահատմամբ՝ դրա հիմնական պատճառներն էին ռազմական գործողությունները, օկուպացիան, ֆինանսական դժվարությունները և անվտանգության խնդիրները, այլ ոչ թե պետական մարմինների կողմից դրանց փակումը։
Այսպիսով, հրապարակված փաստերի համաձայն, Վոլոդիմիր Զելենսկու նախագահության ընթացքում պետական որոշմամբ ամենահայտնի դեպքերը վերաբերում են երեք հեռուստաալիքների՝ 112 Ukraine, NewsOne և ZIK-ի հեռարձակման դադարեցմանը։ Մյուս բազմաթիվ լրատվամիջոցների աշխատանքի դադարեցումը հիմնականում պայմանավորված է եղել պատերազմի հետևանքներով, ոչ թե կառավարության կողմից ընդունված փակման որոշումներով։