Մադրիդը մեղադրել է ԵՄ անդամ երկրներին
Sat, 01 Aug 2026 17:30:57 +0400
Իսպանիայի ներքին գործերի նախարար Ֆերնանդո Գրանդե-Մարլասկան հայտարարել է, որ Աֆրիկայի հյուսիսային ափին գտնվող Սեուտա ինքնավար քաղաքում միգրանտների ճգնաժամի ֆոնին ԵՄ որոշ երկրներ եսասիրաբար են գործել։
Այս մասին նախարարն ասել է լրագրողների հետ հանդիպման ժամանակ, փոխանցում է ՏԱՍՍ-ը։
«48 ժամից էլ պակաս ժամանակում Սեուտայում իրավիճակը լիովին փոխվել է», – նշել է նախարարը՝ հավելելով, որ քաղաքում իրավիճակը վերադառնում է նորմալ հունի։
Նա հիշեցրել է Իսպանիայի վարչապետ Պեդրո Սանչեսի Բրյուսել ուղարկած նամակը, որում մտահոգություն էր հայտնել Սեուտայում միգրանտների ճգնաժամին մի քանի եվրոպական կառավարությունների արձագանքի վերաբերյալ։
«ԵՄ երկրների մեծ մասը աջակցություն է հայտնել Իսպանիային այս դժվարին և շփոթեցնող իրավիճակում, – նշել է նախարարը,- Սակայն կան նաև այլ երկրներ, որոնք իսկապես օգտվել են այս [իրավիճակից] կամ ցուցաբերել են լիովին եսասիրական և համերաշխությունից զուրկ [դիրքորոշում]»։
Հիշեցնենք, Իտալիայի վարչապետ Ջորջա Մելոնին արդեն հայտարարել է, որ իսպանական անկլավ անօրինական ներգաղթյալների հոսքի պատճառով դիտարկում է Իսպանիայի հետ Շենգենյան համաձայնագրի գործողության կասեցումը։
Ֆինլանդիան և Դանիան միացել են այս առաջարկին։