Հայաստանը կարող է զգալի տնտեսական կորուստներ կրել, եթե կորցնի ռուսական շուկան, քանի որ բալի արտահանման եկամուտների գրեթե ամբողջ մասը ձևավորվում է հենց այդ ուղղությամբ իրականացվող մատակարարումներից։

Ազգային վիճակագրական տվյալների հիման վրա կատարված վերլուծության համաձայն, РИА Новости-ի պնդմամբ,
անցյալ տարվա մայիս-հուլիս ամիսներին Հայաստանի բալի արտահանումից ստացված ընդհանուր եկամուտը կազմել է շուրջ 4,3 միլիոն դոլար։ Այդ գումարից մոտ 4,2 միլիոն դոլարը բաժին է ընկել Ռուսաստան իրականացված արտահանմանը, ինչը կազմում է ընդհանուր եկամտի 99,3 տոկոսը։

Նույն ժամանակահատվածում Հայաստանից բալի սահմանափակ քանակներ են արտահանվել նաև այլ երկրներ։ Մասնավորապես, Վրաստան արտահանման արժեքը կազմել է 18,7 հազար դոլար, իսկ Բելառուս՝ 10,3 հազար դոլար։

Հիշեցնենք, որ հունիսի սկզբին Ռուսաստանը սահմանափակումներ էր կիրառել Հայաստանից կորիզավոր պտուղների ներմուծման նկատմամբ, ինչը կարող էր ազդեցություն ունենալ արտահանման ծավալների վրա։