«Հրապարակ»-ը սկսում է նոր շարք, որտեղ ներկայացնելու է պետական կառավարման մարմինները, այնտեղ բարձր պաշտոն զբաղեցնող անձանց և նրանց գործառույթները։

Հայաստանի Հանրապետության արտաքին գործերի նախարարությունը պետական կառավարման համակարգի լիազոր մարմին է, որը մշակում և իրականացնում է Հայաստանի Հանրապետության կառավարության արտաքին քաղաքականությունը:

ԱԳ նախարարը Արարատ Միրզոյանն է։ Այս պաշտոնին նշանակվել է 2021 թ. օգոստոսի 19-ին։
Միրզոյանն ունի 3 տեղակալ՝ Մնացական Սաֆարյանը, փոխնախարար է նշանակվել 2022թ-ի հունվարի 26-ին, Վահան Կոստանյանը, ով փոխնախարար է նշանակվել 2023թ-ի հունվարի 26-ին, և Ռոբերտ Աբիսողոմոնյանը, ով փոխնախարար է նշանակվել 2025թ-ի փետրվարի 18-ին։ Նրանք համակարգում, վերահսկում և իրականացնում են արտաքին քաղաքական գործունեության որոշակի ուղղություններ, մասնակցում են Հայաստանի Հանրապետության արտաքին քաղաքականության ուղղությունների և հայեցակարգի մշակմանը, նախարարի սահմանած պարտականությունների բաշխման շրջանակներում վերահսկում և համակարգում են նախարարության աշխատակազմի համապատասխան վարչությունների ու դիվանագիտական ներկայացուցչությունների և հյուպատոսական հիմնարկների աշխատանքները, նախապատրաստում են նախարարի մոտ քննարկվելիք հարցերը և մասնակցում դրանց քննարկումներին։

Գլխավոր քարտուղարը Դավիթ Կարապետյանն է։ Նա այս պաշտոնին նշանակվել է 2024թ-ի մայիսի 29-ին։ իսկ հատուկ հանձնարարականներով դեսպանը Արթուր Ջավադյանն է, ով այս պաշտոնին նշանակվել է 2020թ-ի հունվարի 16-ին։
Միրզոյանի խորհրդականներն են Վարդան Վարդանյանը, Վահան Հունանյանը և Հայկ Դարբինյանը, իսկ օգնականներն են Գառնիկ Աթանեսյանը և Սամվել Մելիքսեթյանը։ Միրզոյանի մամուլի խոսնակը Անի Բադալյանն է։

ԱԳՆ-ն ունի 17 վարչություն, 3 բաժին, քարտուղարկություն և Պետական արարողակարգի շառայություն, որի ղեկավարը Գագիկ Վանոյանն է։