Մոնթե Մելքոյանի մասին ֆիլմ են նկարում
Fri, 14 Aug 2026 13:59:51 +0400
Նոյեմբերին մեծ էկրան կբարձրանա Genetic Production-ի կողմից նկարահանվող «Մոնթե» ֆիլմը, որը Հայաստանի եւ Արցախի հերոս, Արցախյան պատերազմի մասնակից Մոնթե Մելքոնյանի կյանքի մասին է՝ ամբողջապես հիմնված իրական փաստերի վրա։ Genetic Production-ը հանձն է առել ֆիլմերի միջոցով ներկայացնելու հայի պայքարող և հաղթող գեների մասին՝ մեր պատմության ականավոր գործիչների օրինակներով։ Մոնթեին մարմնավորում է դերասան Վլադիմիր Մսրյանը, իսկ Մելքոնյանի կնոջը՝ Սեդային, մարմնավորում է Հռիփսիմե Նահապետյանը: Խորեն Լևոնյանն այս ֆիլմում կրկին կմարմնավորի Վազգեն Սարգսյանին։
Հիշեցնենք, որ ֆիլմի պրոդյուսերը Նոնո Սարգսյանն է։ Նկարահանումների ընթացքից նա լուսանկարներ էր հրապարակել և նշել. «Անցյալն ու ներկան՝ իրար խառնված: Երբ քարանում ես ու իսկապես խառնում ժամանակն ու իրականությունը: Շատ թանկ նկար ինձ համար: Իմ հերոսները»: