Ինչպես պահպանել առողջությունը՝ հետեւելով որոշակի սննդակարգի․ խորհուրդներ մասնագետից
Fri, 14 Aug 2026 23:00:01 +0400
Կյանքի ընթացքում հնարավորինս երկար առողջ մնալու համար, անհրաժեշտ է, որ մարդը հետեւի մեկ տեսակի սննդակարգի։ Այս մասին հայտնել է դիետոլոգ Պաբլո Օխեդան՝ ABC-ի հետ զրույցում եւ խորհուրդ է տվել հետեւել, այսպես կոչված, «ծիածանագույն դիետային»։ Այն ենթադրում է ափսեի մեջ որքան հնարավոր է շատ տարբեր գույների եւ երանգների մթերքների ներառումը, քանի որ յուրաքանչյուր գույնը կամ երանգը ենթադրում է որոշակի օգտակար նյութի կամ էլեմենտի առկայություն տվյալ մթերթի մեջ։
«Կյանքն ու առողջությունը կայանում են գույների մեջ՝ բետա-կարոտին, լյուտեին, անտոցիաններ, անտիօքսիդանտներ։ Որքան շատ են գույները ձեր ափսեում, այնքան ավելի բազմազան են սննդարար նյութերը»,- ասել է մասնագետը։ Եւ ծիածանի բոլոր յոթ գույներին համարժեք գույների կամ երանգների մթերքների օգտագործումն ամենօրյա սննդակարգում նա համարել է օպտիմալ բալանսավորված սննդառություն մարդու համար։