Վեհափառը հրաժարվել է ծննդյան օրը նշելուց, Միքայել Սրբազանը` զարդեր կրելուց

Վեհափառը հրաժարվել է ծննդյան օրը նշելուց, Միքայել Սրբազանը` զարդեր կրելուց

Fri, 21 Aug 2026 09:30:32 +0400


Այսօր՝ օգոստոսի 21-ին, Ամենայն Հայոց Կաթողիկոս Գարեգին Բ-ն դառնում է 75 տարեկան։

Սակայն Հայոց Հայրապետի ծննդյան 75-ամյակը, ինչպես նախորդ տարիներին, առանձնապես չի նշվում։ Մեր տեղեկություններով՝ 2020 թվականի պատերազմից և դրան հաջորդած՝ Արցախի կորստից հետո Վեհափառը որոշել է իր ծննդյան օրերին հրաժարվել որևէ տոնական շքեղությունից և օրը հնարավորինս աննկատ անցկացնել։

Դեռևս 2021 թվականին, երբ Գարեգին Բ-ն դարձավ 70 տարեկան, Մայր Աթոռը պաշտոնապես հայտնել էր, որ Հայրապետի մասնավոր ցանկությամբ հոբելյանական 70-րդ տարեդարձը չի նշվելու և որևէ միջոցառում չի իրականացվելու։

Մեզ փոխանցված տեղեկություններով՝ նույն մոտեցումը պահպանվում է նաև այս տարի․ Վեհափառը հոգևորականներին և Մայր Աթոռի ներկայացուցիչներին հանձնարարել է ծննդյան առիթով առանձնահատուկ միջոցառումներ չկազմակերպել և օրը չվերածել տոնակատարության։

Թեև ինքը փորձում է օրը անցկացնել առանց աղմուկի, համացանցում արդեն բազմաթիվ շնորհավորանքներ են տարածվում։ Շատերի համար դրանք պարզապես ծննդյան օրվա շնորհավորանքներ չեն․ իրենց վերաբերմունքն են արտահայտում Հայոց Եկեղեցու և Վեհափառի նկատմամբ՝ հատկապես վերջին շրջանում իշխանության և Հայ Առաքելական Եկեղեցու միջև սրված հարաբերությունների պայմաններում։

Ի դեպ, Շիրակի թեմի առաջնորդ Միքայել արքեպիսկոպոս Աջապահյանի վարքագծում էլ նույն մոտեցումն է։

2020 թվականից հետո Սրբազանը հրաժարվել է իրեն բնորոշ զարդերից։ Սրբազանը, որ սիրում էր զարդեր կրել և մինչ պատերազմը նա կրում էր խոշոր մատանիներ, թևնոցներ, վզնոցներ, պատերազմից հետո այդ ամենը այլևս նրա կերպարի մաս չէ։ Այսօր նա միայն գավազանն է կրում։

Նշենք, որ մեր պատմության մեջ հոգևորականների շրջանում նման մոտեցումը, ընդունված է եղել` պայմանավորված երկրում և հասարակության մեջ ստեղծված ծանր իրավիճակով։

Իսկ վերջին տարիներին` պատերազմից, Արցախի կորստից և դրան հաջորդած հասարակական ու քաղաքական ցնցումներից հետո հոգևորականների մի մասը փորձում է խուսափել ցուցադրական շքեղությունից՝ իրենց վարքագծով ընդգծելով, որ ժողովրդի ծանր ապրումների պայմաններում տոնական ճոխությունը տեղին չէ։

© 2026 Secure News Portal

Source: Hraparak

Hraparak.am

Recent Posts

Միասին այսօր գնացինք բանտ, որ եղբայրս կարողանա շնորհավորել որդուն

Միասին այսօր գնացինք բանտ, որ եղբայրս կարողանա շնորհավորել որդուն Tue, 17 Nov 2026 00:24:12 +0400…

1 ժամ ago

Լուսինե Բեկչյանն ազատվել է պաշտոնից

Լուսինե Բեկչյանն ազատվել է պաշտոնից Tue, 17 Nov 2026 00:19:41 +0400 Ազգային ժողովի նախագահ Ռուբեն…

1 ժամ ago

Քիմ Քարդաշյանը` Louis Vuitton-ի բուժքրոջ կերպարում

Քիմ Քարդաշյանը` Louis Vuitton-ի բուժքրոջ կերպարում Mon, 16 Nov 2026 23:50:02 +0400 Քիմ Քարդաշյանն առանձնահատուկ…

2 ժամ ago

Գնալուդ ժամանակն է, Նիկոլ ջան

Գնալուդ ժամանակն է, Նիկոլ ջան Mon, 16 Nov 2026 23:45:20 +0400 Երբ եկար լավն էիր…

2 ժամ ago

Ինչո՞վ է առանձնահատուկ 2,5 միլիոն դոլար արժողությամբ ժամացույցը

Ինչո՞վ է առանձնահատուկ 2,5 միլիոն դոլար արժողությամբ ժամացույցը Mon, 16 Nov 2026 23:30:09 +0400 Շվեյցարական…

2 ժամ ago

TikTok-ում տարօրինակ թրենդ է տարածվում

TikTok-ում տարօրինակ թրենդ է տարածվում Mon, 16 Nov 2026 23:07:05 +0400 TikTok-ում մեծ թափ է…

2 ժամ ago