Ծառուկյանի հաջորդ մրցակիցը խոսել է իր առավելությունների և հայ մարտիկի վտանգավորության մասին

Ծառուկյանի հաջորդ մրցակիցը խոսել է իր առավելությունների և հայ մարտիկի վտանգավորության մասին

Sun, 23 Aug 2026 10:15:28 +0400


UFC-ի բրազիլացի մարտիկ Մաուրիսիո Ռուֆին կիսվել է իր սպասումներով Արման Ծառուկյանի հետ առաջիկա մենամարտից, որը կկայանա սեպտեմբերի 20-ին Լոս Անջելեսում անցկացվելիք UFC 331 մրցաշարի շրջանակում։ Այս մասին տեղեկանում ենք armsport.am կայքից։

Ըստ բրազիլացու՝ Ծառուկյանը UFC-ի թեթև քաշային կարգի ամենալուրջ և ամենավտանգավոր մրցակիցներից մեկն է։ Ռուֆին նշել է նաև, որ սպասվող դիմակայությունից առաջ հատուկ աշխատել է իր ըմբշամարտի հմտությունների բարելավման ուղղությամբ։

«Ես միշտ ցանկանում եմ ավելի լավը դառնալ։ Գիտեմ, որ լավ եմ տիրապետում ըմբշամարտին, բայց ավելի լավ է ցույց տամ իմ բարելավումներն այդ ուղղությամբ։ Գիտեմ, որ Արմանն ուժեղ մարտիկ է։ Հավանաբար, Ծառուկյանը UFC-ի թեթև քաշային դիվիզիոնի ամենավտանգավոր մարտահրավերն է։ Ես շատ եմ մարզվել այս մենամարտի համար, բայց գերադասում եմ շատ չխոսել, այլ ամեն ինչ ապացուցել օկտագոնում»,- Ռուֆիի խոսքերն է մեջբերում UFC on Paramount-ը:

Արման Ծառուկյանը վերջին անգամ օկտագոն է դուրս եկել 2025 թվականի նոյեմբերին՝ Դոհայում կայացած UFC Fight Night 265 մրցաշարում հանդիպելով Դեն Հուկերին։ Այդ մենամարտն ավարտվել է հայ մարտիկի հաղթանակով. նա երկրորդ ռաունդում խեղդող հնարքով պարտության է մատնել մրցակցին։ Պրոֆեսիոնալ կարիերայում Ծառուկյանի ակտիվում կա 23 հաղթանակ և 3 պարտություն։

Մաուրիսիո Ռուֆին, իր հերթին, գոտեմարտին մոտենում է տպավորիչ հաղթանակից հետո։ Նա իր վերջին մենամարտն անցկացրել է 2026 թվականի հունիսին կայացած մրցաշարում՝ ուժերը չափելով տիտղոսի նախկին հավակնորդ Մայքլ Չենդլերի դեմ։ Բրազիլացին տեխնիկական նոկաուտով հաղթանակ է տարել արդեն առաջին ռաունդում։ Նրա հաշվին ընդհանուր առմամբ գրանցված է 14 հաղթանակ և 2 պարտություն։

© 2026 Secure News Portal

Source: Hraparak

Hraparak.am

Recent Posts

«Հրապարակ»․ Այս վոյաժների նպատակը փող խնդրելն է

«Հրապարակ»․ Այս վոյաժների նպատակը փող խնդրելն է Tue, 17 Nov 2026 10:15:08 +0400 Նիկոլ Փաշինյանի՝…

13 րոպե ago

#Ուղիղ․ ԱԺ հերթական նիստ

#Ուղիղ․ ԱԺ հերթական նիստ Tue, 17 Nov 2026 10:10:33 +0400 Latest news from Հրապարակ ©…

17 րոպե ago

«Պապ, այս երգը քեզ համար է». Վալոդյա Գրիգորյանի դուստրը երգ է նվիրել հորը

«Պապ, այս երգը քեզ համար է». Վալոդյա Գրիգորյանի դուստրը երգ է նվիրել հորը Tue, 17…

28 րոպե ago

«Հրապարակ»․ Այդ հանձնաժողովն իշխանություններին պաշտպանելու համար չի ստեղծվել

«Հրապարակ»․ Այդ հանձնաժողովն իշխանություններին պաշտպանելու համար չի ստեղծվել Tue, 17 Nov 2026 09:45:20 +0400 Հոկտեմբերի…

43 րոպե ago

«Հրապարակ»․ Հանրային հեռուստաընկերության դեմ կգրոհեին, եթե հաղորդումը մոնտաժեինք

«Հրապարակ»․ Հանրային հեռուստաընկերության դեմ կգրոհեին, եթե հաղորդումը մոնտաժեինք Tue, 17 Nov 2026 09:15:26 +0400 Կիրակի…

1 ժամ ago

Մի խաբվեք

Մի խաբվեք Tue, 17 Nov 2026 09:00:51 +0400 Եթե կարծում եք, թե Մասիս Մելքոնյանին պատժելու…

1 ժամ ago