«Հրապարակ». Այս ամենի թիվ մեկ մեղավորը, պատճառը օրվա իշխանությունն է

«Հրապարակ». Այս ամենի թիվ մեկ մեղավորը, պատճառը օրվա իշխանությունն է

Tue, 25 Aug 2026 11:45:43 +0400


«Ինտենսիվության հետ կապված՝ չեմ կարող գնահատական տալ, որ այս կարճ ժամանակահատվածում ունենք նման խտություն, բայց այն, որ բանակում մահերի համար կարելի է մեղադրել պաշտպանության նախարարին, սա նորություն է Հայաստանի Հանրապետությունում»,- երեկ լրագրողների հետ ճեպազրույցում այսպիսի կարծիք է հայտնել նախարար Սուրեն Պապիկյանը՝ անդրադառնալով լրագրողների՝ ՀՀ զինված ուժերում ոչ մարտական պայմաններում գրանցված շարունակական մահերի մասին հարցերին։ Նաեւ հավելել է․ «Օգոստոսը հոգեբանորեն ամենաընկճված ամիսն է համարվում»։

Բանակում վերջին օրերին մահվան դեպքերի աճը, ինչպես նաեւ ողջ հանրապետությունում արձանագրվող սպանությունները, ծեծուջարդի, դաժանության դրսեւորումները բոլորին են մտահոգում: Տպավորություն է, որ հայ հանրությունը ծայրահեղ ագրեսիվ է դարձել, նյարդային ու անհանդուրժող:

Հոգեբան Միհրդատ Մադաթյանը, «Հրապարակի» հետ զրույցում խոսելով այս քաոսի մասին, նկատում է. «Օրենքի ստորադասումն իշխանության մեղքն է: Քանի որ երկրի առաջին դեմքն օրենքը կարողանում է հարմարեցնել իրեն, փոխել սահմանադրությունը, միջամտել այն հարցերին, որոնց ինքն իրավասու չէ միջամտելու եւ այլն: Ժողովուրդը տեսնում է, որ ամենաբարձր պաշտոնները զբաղեցնող մարդիկ օրենքը հարմարեցնում են իրենց, ինչ ուզում, անում են, հասկանում են, որ օրենքը վաղուց գերակայություն չունի, ուստի յուրաքանչյուրն ազատություն է տալիս իրեն: Նիկոլ Փաշինյանը փոխանակ վատ զգա, ամոթ ապրի այս ամենի համար, դեռ մի բան էլ հայտարարում է, որ ինքը հուզական մարդ է եւ դրանով հպարտանում է: Նա ասում է հուզական այնպիսի տեքստեր, որոնք ագրեսիա են պարունակում, վիրավորանք, ինչը քրեորեն պատժելի է: Սակայն մենք՝ բոլորս տեսնում ենք, որ որեւիցե քրեական պատժի այս մարդը չի ենթարկվում, իսկ անպատժելիությունը թրենդ է, որը թելադրում է Փաշինյանը: Գողական մշակույթը բանակում օրեցօր ավելի մեծ տարածում է գտնում: Այս մարդիկ ութ տարուց ավելի է՝ իշխանության են, սակայն որեւէ պատասխանատվություն չեն ցանկանում կրել բանակում տիրող իրավիճակի համար: Այսօր Սուրեն Պապիկյանը հայտարարել է, որ ինքը բանակում տիրող սարսափելի իրավիճակի համար մեղավոր չէ: Այդ ամենն ինձ հիշեցրեց Նիկոլ Փաշինյանի այն արդարացումը, որ ինքը 5 հազար զոհի համար մեղավոր չէ: Այժմ նույն բանն ասում է Պապիկյանը: Ի վերջո, եկեք հասկանանք, թե ովքեր են պատասխանատվություն կրում երկրում կատարվող գործողությունների համար: Եթե մի ղեկավար` վերեւում նստած ասում է` կա՞ մի դատավոր, որ իմ ասածները չանի, ապա ինչո՞ւ պետք է իր ենթակաները նույն տրամաբանությամբ չգործեն: Անպատժելիություն թելադրող է Նիկոլ Փաշինյանը: Ես շատ եմ ցավում զոհված զինվորների համար, սակայն այս ամենի թիվ մեկ մեղավորը, առիթը, պատճառը օրվա իշխանությունն է»:

© 2026 Secure News Portal

Source: Hraparak

Hraparak.am

Recent Posts

Տներն ու փողոցները ջրի տակ են անցել․ Սոչիում բնաղետ է

Տներն ու փողոցները ջրի տակ են անցել․ Սոչիում բնաղետ է Sun, 22 Nov 2026 15:30:10…

2 րոպե ago

Կարճ՝ Փաշինյանական նարատիվների մասին

Կարճ՝ Փաշինյանական նարատիվների մասին Sun, 22 Nov 2026 15:15:27 +0400 Ուրեմն տեսեք, թե նա ինչ…

17 րոպե ago

Մոուրինյուն հեռացել է մամուլի ասուլիսից՝ Ռոնալդուի մասին հարցից հետո

Մոուրինյուն հեռացել է մամուլի ասուլիսից՝ Ռոնալդուի մասին հարցից հետո Sun, 22 Nov 2026 15:00:03 +0400…

32 րոպե ago

Ուժեղ քամու հետևանքով ծառեր ու տանիքներ են վնասվել

Ուժեղ քամու հետևանքով ծառեր ու տանիքներ են վնասվել Sun, 22 Nov 2026 14:45:19 +0400 Նոյեմբերի…

47 րոպե ago

Համերգի ժամանակ տեղի ունեցած կրակոցների հետևանքով ինը մարդ վիրավորվել է

Համերգի ժամանակ տեղի ունեցած կրակոցների հետևանքով ինը մարդ վիրավորվել է Sun, 22 Nov 2026 14:30:30…

1 ժամ ago

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները Sun, 22 Nov 2026 14:15:57 +0400…

1 ժամ ago