Ադրբեջանի գյուղերից մեկում հարսը ծեծել է սկեսրոջը
Wed, 26 Aug 2026 18:00:24 +0400
Ադրբեջանի շրջաններից մեկում 39-ամյա հարսը ծեծել է սկեսրոջը՝ հասցնելով նրան մարմնական վնասվածքներ։ Դեպքը տեղի է ունեցել ընտանեկան վեճի ընթացքում։ Համաձայն ադրբեջանական մամուլում տեղ գտած հրապարակումների, պատճառը եղել է այն, որ սկեսուրը չի ցանկացել, որ հարսն ու տղան իր հետ ապրեն։ Հարսը վեճի ընթացքում հարձակվել է սկեսրոջ վրա ու բռունցքներով հարվածել է սկեսրոջ դեմքին, գլխին, ձեռքերին։ Դեպքի առնչությամբ հարուցվել է քրեական գործ՝ մարդու առողջությանը կանխամատված կերպով թեթեւ վնաս հասցնելու նպատակով։ Արդեն ոստիկանատանը հարսը ընդունել է մեղքը։
Ուշագրավ է այն, որ ընտանիքը բավականին կոնֆլիկտային է եղել։ Կնոջ /տվյալ դեպքում՝ ծեծված սկեսրոջ/ տղան ու նրա կինը /տվյալ դեպքում հարսը/ միմյանց հետ ապրել են 2008 թվականից, սակայն հարաբերությունները օրինականացրել են միայն այս տարի։ Նրանք ունեն համատեղ երեխա։ Բացի այդ՝ ընտանիքում նաեւ ծեծված կնոջ տղայի երեխաներն էլ են ապրում՝ նախորդ ամուսնությունից։ Ոստիկանները պարզել են նաեւ, որ ընտանիքում վեճ ու կռիվը մշտական է եղել։