Էշ-էշ մի դատիր, որ էշ-էշ չդատվես

Էշ-էշ մի դատիր, որ էշ-էշ չդատվես

Wed, 26 Aug 2026 18:15:14 +0400


Կառավարության ծրագրի քննարկման ժամանակ Փաշինյանը շեղվեց եւ ակամայից սկիզբ դրեց մի նոր քննարկման՝ «ինչո՞ւ եք դուք միլիոնատեր» հարցադրմամբ: Նա այնքան անբռնազբոս էր այդ պահին, որ ես մտածեցի, թե այդ հարցը պետք է տալ անխտիր բոլորին: Ըստ Փաշինյանի՝ միլիոնատեր եւ հարուստ լինելը հանցագործություն է, իսկ հանցագործությունը, որքան հասկանում եմ, պետք է պատժվի: Պատրա՞ստ է Փաշինյանն իր կուտակած հարստության համար պատասխան տալ եւ պատիժ կրել, ինչպես մյուս միլիոնատերերն ու հարուստները: Փաշինյանն ասաց, որ պատրաստ է: Դեռ մեջբերում էլ արեց ինչ-որ կտակարանից, թե դատում եմ, լավ եմ անում, ինքս էլ պատրաստ եմ դատվել նույն հանցանքի համար:

Իսկ հիմա զեղումները մի կողմ դնենք եւ փորձենք հասկանալ, թե Հայաստանում ով ինչպես է հարստացել, ում կամ ինչի հաշվին: Սա շատ կարեւոր է՝ հասկանալու համար այդ հանցագործության բնույթը, չափերը, վտանգավորության աստիճանը եւ մյուս բոլոր պարամետրերը: Փաշինյանը հասցրեց իր խոսքում մի փոքր խուսանավել նախապես դուրս տված էշությունից՝ ասելով, թե իր համար խնդիրը հարստությունը չէ, այլ՝ այն, որ այդ հարստությունը կուտակվել է մեր ժողովրդի հաշվին: Անշուշտ, լավ չէ ժողովրդի հաշվին հարստանալը, բայց աշխարհում չեք կարող գտնել մի հարուստ մարդու, որի փողերն օդից են ընկել: Բիզնես՝ սա է շահի աղբյուրը, իսկ բիզնեսն ու ժողովուրդը միմյանցից անջատ չեն: Ստերիլ միջավայր այստեղ չկա: Ամեն ինչ բնական է՝ ոմանք աշխատում են, բարիք ստեղծում, ոմանք էլ՝ տնօրինում այդ բարիքը՝ ամեն մեկն իր չափով: Փաշինյանը հարց է տալիս Լեւոն Քոչարյանին՝ ինչո՞ւ եք դուք հարուստ, ինչո՞ւ եք դուք միլիոնատեր… Հետո սպառնում՝ ես թույլ չեմ տալու, որ այդ հարստությունը վայելեն ձեր զավակներն ու թոռները: Ահա՝ այսպիսի անբռնազբոս հարցադրումներ եւ նույնքան անպատկառ հոխորտանք:

Թե այս երկխոսությունից հետո ինչ հրահանգ ստացան իրավապահները, մենք իմացանք հաջորդ առավոտյան: Խուզարկություններ Քոչարյանների տներում, բիզնեսներում, ՀՀ երկրորդ նախագահին ԱԱԾ, ապա Հակակոռուպցիոն կոմիտե տանել, ՀՀ երրորդ նախագահին Հակակոռուպցիոն հրավիրել եւ այլն: Ինչպես ասում են՝ սկսվեց… Քոչարյանների համար այս քաշքշուկը նոր չէ, էլի են տեսել, պայքարել են, արդարացվել, էլի մեղադրվել, էլի արդարացվել: Այս անգամ Փաշինյանը կարծես սեւեռվել է Քոչարյանների հարստության վրա, որը, ըստ իրեն, նրանք կուտակել են ժողովրդի հաշվին: Փաշինյանը պատրաստվում է դատել եւ հայտարարում է, որ ինքն էլ պատրաստ է դատվել նույն հարցով:

Սակայն նա կառավարության ծրագրի քննարկման ժամանակ չնկատեց, որ իր հայտարարության վերջին մասին, թե ինքն էլ պատրաստ է դատվել, ոչ ոք չհավատաց: Բոլորը, ներառյալ նաեւ ԱԺ ՔՊ-շնիկ մեծամասնությունը, վստահ էին, որ Փաշինյանը փչում է, որ ինքն իր իշխանության գալուց ի վեր դեռ ոչ մի անգամ, գոնե 5-10 րոպեով պատրաստ չի եղել ո՛չ դատվելու, ո՛չ որեւէ բանի համար պատասխան տալու:

Եվ ահա, ես ինձ իրավունք եմ վերապահում ՀՀ մեծարգո վարչապետին հարցնելու՝ շատ կներեք, պարոն Փաշինյան, ինչո՞ւ եք դուք միլիոնատեր, եթե հայտնի է, որ ո՛չ բիզնեսներ ունեք, ո՛չ էլ շնորհք՝ բիզնեսով զբաղվելու: Մեր ժողովրդի հաշվին չե՞ք, արդյոք, դարձել միլիոնատեր կամ այդ միլիոնների հետ միջնորդավորված կապեր ունեցող մեծահարուստ: Դուք միլիարդատիրուհու ամուսի՞ն եք, թե՞ նախկին ամուսին, չգիտեմ, բայց, որքան ինձ հայտնի է, փողի նեղություն չեք քաշում: Ժողովուրդը, պատահաբար, ներդրում չունի՞ այդ միլիոնների կամ միլիարդների մեջ՝ հարկեր, տուրքեր, տուգանքներ, ունեզրկումներ, բոմժացումներ, հատիկ առ հատիկ «բացահայտումներ»… Այս ամենը, ի վերջո, դառնում է պետական ապարատի աշխատավարձ, բյուջետային մուտքեր, ճոխ պարգեւատրումներ: 8 տարում, ինչպես ասում են, կարող էիք կարգին հարստանալ, ո՛չ ձեռքներդ բռնող կա, ո՛չ էլ ախորժակներիդ փական դնող:

Ժողովրդի հաշվին (աջակցությամբ) հարստացածները մեկը, երկուսը չեն: Փաշինյանը, սակայն, ոչ բոլոր հարուստների վրա է կենտրոնացել: Սա եւս մեկ ապացույց է այն բանի, որ ինքն անսկզբունքային մարդ է եւ պատրաստ չէ պատասխան տալ իր կուտակած հարստության համար: Եթե դուք ինձ ասեք, որ Խաչատուր Սուքիասյանի միլիարդներն օդից են ընկել, ես չեմ հավատա: Ես չեմ հավատա նաեւ Սամվել Ալեքսանյանի՝ տվածուրիկ միլիարդատեր լինելու «փաստին»: Էլ չեմ խոսում Նարեկ Նալբանդյանի մասին: Ձեւ չկա, բոլորն էլ ինչ-որ կերպ ժողովրդի հաշվին ու աջակցությամբ են դարձել միլիարդատերեր: Թրամփն էլ, Քրքորյանն էլ, Ռոքֆելլերն էլ, ՔՊ-ի նորելուկ շուն-շանգյալն էլ: Բա հիմա ի՞նչ անենք, ինչո՞ւ եք Հայաստանում ընտրողաբար հետապնդում հարուստներին:
Հայ ժողովրդի հաշվին (աջակցությամբ) հարստացած մարդիկ, նկատել եմ, ահագին անշարժ գույք ու ներդրումներ ունեն հենց Հայաստանում: Այլ կերպ ասած՝ նրանց հարստության այդ հատվածը ենթակա է Հայաստանի Հանրապետության օրենսդրությամբ պահպանմանն ու տիրապետմանը: Գագիկ Ծառուկյանն ուր էլ գնա, նրա տունը (դղյակը) Հայաստանում է, հայոց հողի վրա, եւ նա չի կարող այդ դղյակը հետը տանել: Այդպիսի բազմաթիվ սեփականություններ կային, խլեցիք, չէ՞, պետականացրիք, չգիտեմ ինչ արեցիք: Այդ հարուստներից ո՞վ իր հետ տարավ շքեղ հյուրանոցներն ու առանձնատները: Ահավասիկ, միլիոնատեր Փաշինյանն ասում է՝ պատրաստ եմ դատվելու: Մի պահ հավատանք, որ ճիշտ է ասում: Ո՞ւր է ունեցվածքդ, կարո՞ղ է դա քեշ փողով շվեյցարական բանկերում ես պահում, իսկ Հայաստանում ոչինչ կառուցած չկաս: Ինչո՞ւ որեւէ անձնական ներդրում չունես Հայաստանի Հանրապետությունում: Մեր հարեւան Շմավոնը, օրինակ, որ քեզ չի ընտրել, պնդում է, թե դու հարստացել ես Ալիեւի փողերով: Ճիշտ է, ասում է՝ դա ոչ մի տեղ ֆիքսված չէ, բայց մենք հո էշ չենք, հասկանում ենք: Ասում եմ՝ վերջ տուր, Շմավոն, այդ ցնդաբանությանը, Ալիեւն ինչո՞ւ պետք է փող տա Փաշինյանին: Չի զիջում՝ ո՞նց թե ինչու… Արցախի համար, Կիրանցի համար, Սեւ լճի համար, Գորիս-Կապան ճանապարհի համար, Ջերմուկի բարձունքների համար, Տիգրանաշենի համար… TRIPP-ի համար դաժե Թրամփից է փող առել… Ներքեւում լրիվ գժանոց է, Փաշինյան, ավելի լավ է չլսես, թե այստեղ ինչեր են խոսում քո միլիարդների մասին: Հավատա՝ հենց իշխանությունը տվեցիր, դատելու են քեզ մի ուրիշ կարգի: Գիտես, չէ՞, որ դա սովորական հարուստի դատ չի լինելու: Լուրջ հոդվածներ են դրվելու սեղանին, լուրջ մարդիկ են դատելու եւ ոչ թե քո վնգստացող հացկատակները:

ՀԳ. Էն ո՞նց էր գրված… Հա, էշ-էշ մի դատիր, որ էշ-էշ չդատվես:

© 2026 Secure News Portal

Source: Hraparak

Hraparak.am

Recent Posts

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո Thu, 19 Nov 2026 23:45:44…

10 րոպե ago

Մարսի վրա տարօրինակ գոյացություններ են հայտնաբերվել

Մարսի վրա տարօրինակ գոյացություններ են հայտնաբերվել Thu, 19 Nov 2026 23:30:11 +0400 Գիտնականները Մարս մոլորակի…

26 րոպե ago

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը Thu, 19 Nov 2026 23:25:54 +0400…

30 րոպե ago

Տիմատին գնել է բացառիկ Ferrari F50 մեքենա

Տիմատին գնել է բացառիկ Ferrari F50 մեքենա Thu, 19 Nov 2026 23:23:06 +0400 43-ամյա ռեփեր…

33 րոպե ago

Նազա՛ր, դու կեղծ հեղինակություն ես, որի տեղն ազգի պատմության աղբանոցն է․ Գասպարյան

Նազա՛ր, դու կեղծ հեղինակություն ես, որի տեղն ազգի պատմության աղբանոցն է․ Գասպարյան Thu, 19 Nov…

43 րոպե ago

«Կեղտոտ միջուկային ռումբով» հարձակման հավանականություն չկա

«Կեղտոտ միջուկային ռումբով» հարձակման հավանականություն չկա Thu, 19 Nov 2026 23:05:28 +0400 ԱՄՆ Ներքին անվտանգության…

50 րոպե ago