Ռուսաստանը կոշտ պատասխան կտա Ուկրաինային․ լարվածությունը մեծ է
Thu, 27 Aug 2026 15:30:36 +0400
Ռուսաստանը կոշտ կպատասխանի ռուսական առևտրային և տնտեսական ենթակառուցվածքների օբյեկտներին Ուկրաինայի հարվածներին։ Այս մասին Bloomberg-ին տված մեկնաբանության մեջ հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով՝ Կիևի գործողություններն անխուսափելիորեն կհանգեցնեն Մոսկվայի կողմից պատասխան միջոցների։
«Ուկրաինան փորձում է հարվածել մեր տնտեսական և առևտրային ենթակառուցվածքներին՝ այդպիսով առաջացնելով մեր պատասխան արձագանքը, և այդ արձագանքը կոշտ կլինի»,-ասել է Կրեմլի ներկայացուցիչը։
Ավելի վաղ Պեսկովը նշել էր, որ առևտրային և ենթակառուցվածքային օբյեկտների վրա հարձակումները, Մոսկվայի գնահատմամբ, ի վիճակի չեն փոխել իրավիճակը մարտական գործողությունների գոտում և ազդել ռուսական զորքերի առաջխաղացման դինամիկայի վրա։
Ռուսական ենթակառուցվածքներին հասցվող հարվածների թեման ավելի վաղ մեկնաբանել էր նաև ՌԴ նախագահ Վլադիմիր Պուտինը։ Նա հայտարարել էր, որ նման հարձակումներով Կիևը փորձում է կասեցնել Ռուսաստանի առաջխաղացումը։ Ընդ որում, նրա խոսքով, Ռուսաստանը կշարունակի ձգտել հատուկ ռազմական գործողության շրջանակներում դրված նպատակներին։
Պուտինը նաև զգուշացրել էր Ուկրաինայի տարածքում գտնվող օբյեկտներին պատասխան հարվածների մասին՝ հայտարարելով, որ դրանք կլինեն ավելի հզոր և ունակ կլինեն լուրջ վնաս հասցնելու։