Ձեզ որ մնա՝ ողջ Հայաստանը Արցախի նման թոշակի հույսի կթողնեք

Ձեզ որ մնա՝ ողջ Հայաստանը Արցախի նման թոշակի հույսի կթողնեք

Fri, 28 Aug 2026 14:45:38 +0400


Փաշինյանը հայտարարում է, որ Ռոբերտ Քոչարյանը, Գագիկ Ծառուկյանը և Սերժ Սարգսյանը պետք է ապրեն բացառապես իրենց թոշակով։ Ամսվա մեկը մոտենալիս՝ հեռախոսը ձեռքին, ստուգեն՝ թոշակը փոխանցվե՞ց, թե՞ դեռ ոչ։

Ակամայից հիշում ենք մի այլ տեսարան։ 150 հազար ունեզրկված, թոշակի հույսի մնացած Արցախ։ Նրանք չեն կորցրել պարզապես տուն կամ ունեցվածք։ Նրանք կորցրել են Արցախը։ Եվ այստեղից անխուսափելիորեն հարց է ծագում․

«Ո՞վ էր երկրի ղեկավարը, գերագույն հրամանատարը, երբ այս ամենը տեղի ունեցավ»։ Ո՞վ բանակցությունը սկսեց զրոյական կետից, և Արցախը թողել պատմության էջերում։ Ո՞վ էր ասում՝ «Արցախը Հայաստան է, և վերջ»։
Ու այդ ֆոնին երկրի ղեկավարի խոսքը, թե նախկին նախագահները պետք է ապրեն իրենց թոշակով, տարօրինակ է հնչում։ Որովհետև ակամայից ուզում ես հարցնել.
Մի ամբողջ Արցախ ունեզրկվեց՝ չհագեցա՞ր։
Երբ պետության ղեկավարը խոսում է ուրիշի ունեցվածքը վերցնելու մասին, ունեզրկված մարդը շատ բնական հարց է տալիս. «Իսկ իմ կորցրածը ե՞րբ ես վերադարձնելու»։
Մեկը թոշակին է սպասում։
Մյուսը՝ իր տանը։
Մեկը նայում է հեռախոսին՝ տեսնելու համար՝ գումարը փոխանցվե՞ց։
Մյուսը նայում է հեռախոսի հին լուսանկարներին, որովհետև այնտեղ է մնացել իր տունը։
Մեկը հաշվում է՝ ամսի մեկը քանի օրից է։
Մյուսը հաշվում է՝ հայրենիքից հեռու քանի օր է անցել։
Ահա այս երկու սպասումների միջև է այսօր մեր երկրի ամենացավոտ հակադրությունը։
Եվ եթե իսկապես ուզում եք խոսել արդարությունից, եկեք նախ նայեք ոչ թե նրանց գրպաններին, ում ուզում ենք ունեզրկել, այլ նրանց աչքերին, ովքեր արդեն ունեզրկվել են։ Նրանց աչքերում մի հարց կա, որ ոչ մի խոսք չի կարող լռեցնել.
«Դու ասում ես՝ ուրիշի ունեցվածքը պետք է վերադարձվի պետությանը։
Բայց իմ տունը ո՞վ է վերադարձնելու։
Իմ հայրենիքը ո՞վ է վերադարձնելու։
Իսկ այն, ինչ քո իշխանության օրոք կորցրինք՝ դրա պատասխանատուն ո՞վ է»։

Հայրենիքը կորցրած մարդուն չես կարող համոզել, որ իր ամենամեծ խնդիրը ուրիշի գույքն է։ Նա արդեն գիտի՝ ինչ է նշանակում ունեզրկվել։ Մի ամբողջ ժողովրդի կորստի կողքին նախկին նախագահների թոշակի մասին խոսակցությունը չափազանց փոքր է թվում։

Չնչին մի պոռթկում՝ հայրենիքի կորստի կողքին։ Չնայած ձեզ որ մնա՝ ողջ Հայաստանը Արցախի նման թոշակի հույսի կթողնեք։ Ձեր գործելակերպն է հուշում։

© 2026 Secure News Portal

Source: Hraparak

Hraparak.am

Recent Posts

Ով է ստում` մեղադրյալը, թե նախկին փոխոստիկանապետը

Ով է ստում` մեղադրյալը, թե նախկին փոխոստիկանապետը Wed, 18 Nov 2026 16:27:06 +0400 «Հրապարակը» գրել…

31 րոպե ago

#Ուղիղ․ Խաչիկ Գալստյանի գործով հերթական նիստն է

#Ուղիղ․ Խաչիկ Գալստյանի գործով հերթական նիստն է Wed, 18 Nov 2026 16:19:40 +0400 Latest news…

39 րոպե ago

Ավանեսյանի ելույթի ժամանակ մարդ վատացավ, բժիշկ կանչեցին

Ավանեսյանի ելույթի ժամանակ մարդ վատացավ, բժիշկ կանչեցին Wed, 18 Nov 2026 16:08:05 +0400 Latest news…

50 րոպե ago

Վերջապես առաջին անգամ կհանդիպեն

Վերջապես առաջին անգամ կհանդիպեն Wed, 18 Nov 2026 16:00:05 +0400 Նոյեմբերի 19-ին Չինաստանի Շենժեն քաղաքում՝…

58 րոպե ago

Պետական պարտքի տոկոսը կազմում է 410 մլրդ դրամ

Պետական պարտքի տոկոսը կազմում է 410 մլրդ դրամ Wed, 18 Nov 2026 15:57:31 +0400 Latest…

1 ժամ ago

Կատեգորիկ արգելված են բոլոր տեսակի շփումները. Խաչիկ Գալստյան

Կատեգորիկ արգելված են բոլոր տեսակի շփումները. Խաչիկ Գալստյան Wed, 18 Nov 2026 15:55:43 +0400 Latest…

1 ժամ ago