Էրդողանը Ուկրաինայի հարցով կարևոր առաջարկ կանի Պուտինին․ ԶԼՄ
Mon, 31 Aug 2026 11:30:19 +0400
Ռուսաստանի նախագահ Վլադիմիր Պուտինի հետ հանդիպման ժամանակ Թուրքիայի նախագահ Ռեջեփ Թայիփ Էրդողանը կհայտարարի Ուկրաինայի հարցով բանակցություններում Անկարայի՝ միջնորդ դառնալու պատրաստակամության մասին, հաղորդում է ՌԻԱ Նովոստին՝ հղում անելով թուրքական կառավարության աղբյուրին։
«Թուրքական կողմը կհայտարարի Ուկրաինայում հակամարտության կարգավորմանը նպաստելու և կողմերի միջև միջնորդի դեր ստանձնելու՝ Անկարայի պատրաստակամության մասին», – ասել է գործակալության աղբյուրը։
Ավելին, ըստ աղբյուրի, նախագահները կարող են քննարկել Մերձավոր Արևելքում տիրող իրավիճակը և Սիրիայում տեղի ունեցող զարգացումները։
Պուտինն ու Էրդողանը կհանդիպեն Շանհայի համագործակցության կազմակերպության (ՇՀԿ) գագաթնաժողովում, որը տեղի կունենա օգոստոսի 31-ից սեպտեմբերի 1-ը՝ Ղրղզստանում։
Նշվում է, որ երկու առաջնորդները կքննարկեն Ուկրաինայում և Սև ծովում տիրող իրավիճակը։