Ղրղզստանն ու Չինաստանը՝ հավերժ բարեկամներ․ ի՞նչ են ստորագրել առաջնորդները
Mon, 31 Aug 2026 16:00:06 +0400
Չինաստանի նախագահ Սի Ծինփինը և Ղրղզստանի նախագահ Սադիր Ժապարովը պայմանգիր են ստորագրել երկու երկրների միջև հավերժական բարեկամության և բարիդրացիության մասին։ Այս մասին հայտնում է 24.kg-ն Telegram ալիքում։
Փաստաթղթի մանրամասները չեն հաղորդվում։ Միևնույն ժամանակ Ժապարովը նշել է, որ ակտը «կստեղծի ամուր հիմք երկու պետությունների միջև համապարփակ ռազմավարական գործընկերության հետագա բարձրորակ զարգացման համար»։
Սի Ծինփինը պետական այցով Ղրղզստանում է, որտեղ ընթանում է Շանհայի համագործակցության կազմակերպության (ՇՀԿ) գագաթնաժողովը։ Միջոցառման օրակարգում է տարածաշրջանային անվտանգության ամրապնդումը, ահաբեկչության և թմրանյութերի դեմ պայքարը, թվայնացման և արհեստական ինտելեկտի ոլորտում համագործակցությունը։
Նիկոլ Փաշինյանը ևս մեկնել է Բիշքեկ, որտեղ գագաթնաժողովի շրջանակում նախատեսվում է նրա հանդիպումը ՌԴ նախագահի հետ։