Թրամփը խնդրել է Apple-ին իր քարտեզներում փոխել Օնտարիո լճի անվանումը
Tue, 01 Sep 2026 16:30:14 +0400
ԱՄՆ նախագահ Դոնալդ Թրամփը անմիջական դիմել է Apple-ին` խնդրելով ընկերության քարտեզագրական ծառայություններում Օնտարիո լճի անունը փոխել և դարձնել «Ամերիկա լիճ»։ Այս մասին պատմել է ԱՄՆ ներքին գործերի նախարար Դուգլաս Բերգամը։
Նրա խոսքով՝ նախագահն անձամբ է կապ հաստատել Apple-ի հետ, ուստի վարչակազմերը ակնկալում են, որ նոր անվանումը շուտով կհայտնվի ընկերության քարտեզներում։
«Նախագահը անմիջականորեն կապ է հաստատել Apple-ի հետ, այնպես, որ ես վստահ եմ, որ շուտով կտեսնենք, որ նրանք կփոխեն անունը՝ դարձնելով Ամերիկա լիճ», – հայտարարել է Բերգամը Fox Business-ին տված հարցազրույցում։
Ավելի վաղ Google Maps-ն արդեն վերանվանել էր Օնտարիո լիճը «Ամերիկա լիճ»՝ ԱՄՆ օգտատերերի համար։
Օնտարիո լիճը վերանվանելու մասին հրամանը Թրամփը ստորագրել էր օգոստոսի 27-ին, ինչից հետո փաստաթուղթն անմիջապես ուժի մեջ է մտել։
Վաշինգտոնի որոշմանը, սակայն, չի աջակցել հարևան Կանադան, որի հետ ԱՄՆ-ն կիսում է լիճը։