Քրեական ենթամշակույթի դեմ պայքարը շարունակվում է նույն հետևողականությամբ․ Լոռու մարզի քրեական ոստիկանների հերթական բացահայտումը
Tue, 01 Sep 2026 17:29:33 +0400
ՆԳՆ քրեական ոստիկանության Լոռու մարզային վարչության ծառայողների օպերատիվ-հետախուզական միջոցառումների շնորհիվ պարզվել է, որ Վանաձորի 25-ամյա բնակիչը տնային կալանքի տակ գտնվելիս զբաղվել է հանցավոր գործունեությամբ։
Մասնավորապես, լինելով քրեական ենթամշակույթ կրող խմբավորման անդամ, միջնորդել է ռուսաստանաբնակ հայ գործարարի՝ ՌԴ-ում աշխատող Լոռու մարզի մի բնակչի և նրա ընկերներին չտալ աշխատավարձ՝ այն բանի համար, որ նա վիրավորական արտահայտություն էր արել քրեական աստիճանակարգության բարձրագույն կարգավիճակ ունեցող անձի հասցեին։
Բացի այս՝ 25-ամյա երիտասարդը, օգտագործելով իր ենթամշակութային կապերը՝ տարբեր, այդ թվում՝ ֆինանսական հարցեր լուծելու նպատակով հեռախոսային կապի միջոցով կազմակերպել է «կոնֆարենս հավաքներ», օնլայն հավաքներ՝ ներգրավելով նաև կալանավայրերում պատիժը կրող դատապարտյալների։ ՆԳՆ քրեական ոստիկանության Լոռու մարզային վարչության մարդու և սեփականության դեմ ուղղված հանցագործությունների դեմ պայքարի բաժնի ծառայողները ստացել են նաև փաստական տվյալներ, որ 25-ամյա երիտասարդը «Վանաձոր» քրեակատարողական հիմնարկի կալանավորներին իրացնելու նպատակով ձեռք է բերել թմրանյութ։
Նա թմրամիջոցը տվել է մեկ այլ անձի, որն այն տեղադրել է պոլիկլինիկայի սանհանգույցում, որտեղից թմրանյութը պետք է վերցներ բուժական նպատակներով պոլիկլինիկա բերված մի կալանավոր։ Սակայն իրենց կամքից անկախ հանգամանքներում հանցավոր այս գործողությունն ավարտին չի հասնում։ Իրապավահները ձեռնարկում են միջոցառումներ ենթամշակութային օնլայն հավաքներին մասնակից այլ անձանց ինքնությունները և հանցավոր գործունեությանը նրանց մասնակցության չափը պարզելու ուղղությամբ։