Ուշակովը տարօրինակ է համարել Փաշինյանի՝ հայերեն ելույթ ունենալու որոշումը
Tue, 01 Sep 2026 23:25:56 +0400
ՌԴ նախագահի օգնական Յուրի Ուշակովը տարօրինակ է համարել ՀՀ վարչապետ Նիկոլ Փաշինյանի՝ հայերեն ելույթ ունենալու որոշումը։ Այս մասին նա ասել է Life-ի թղթակից Ալեքսանդր Յունաշևին։
Այսօր Շանհայի համագործակցության կազմակերպության (ՇՀԿ) գագաթնաժողովում Փաշինյանը հայերեն է ելույթ ունեցել։
«Նա հավանաբար իմացել է, որ հայերենից այլ լեզուներով թարգմանության հնարավորություն կա, և իր ելույթը հնչեցրել է հայերեն։ Նման բան հազվադեպ է լինում։ Որքան հիշում եմ, նախկինում հանդիպումների ժամանակ նա այդպես չէր վարվում», – ասել է Ուշակովը։
Ուշակովը միաժամանակ նշել է, որ Փաշինյանը տիրապետում է ռուսերենին, սակայն Հայաստանի պետական լեզուն հայերենն է։