Արցախի պատմությունը չի ավարտվել
Wed, 02 Sep 2026 10:39:33 +0400
«Այսօր Արցախը բռնազավթված է, մենք՝ բռնի տեղահանված, իսկ Արցախի պետականության ներկայացուցիչներից շատերը՝ Բաքվի բանտերում։ Բայց նույնիսկ այս ցավի ու անարդարության մեջ ես հավատում եմ, որ Արցախի պատմությունը չի ավարտվել»,- նշել է Արցախի Հանրապետության ԱԺ պատգամավոր Մետաքսե Հակոբյանը։
«Սեպտեմբերի 2-ը հայրենիքիս ծննդյան օրն է։
1991 թվականի սեպտեմբերի 2-ին Ստեփանակերտում տեղի ունեցած Լեռնային Ղարաբաղի մարզային և Շահումյանի շրջանային խորհուրդների պատգամավորների համատեղ նստաշրջանը հռչակեց Արցախի Հանրապետության անկախությունը և դրեց նրա պետական իշխանության ու կառավարման մարմինների ձևավորման հիմքը»,- ասել է նա։