Արցախի հարցը պիտի շարունակի մնալ քաղաքական օրակարգում
Wed, 02 Sep 2026 10:54:09 +0400
Գրել էինք, որ սեպտեմբերի 2-ին նշվում է Արցախի Հանրապետության անկախության հռչակման 35-րդ տարեդարձը։ Այդ կապակցությամբ Արցախի գործող և նախկին պաշտոնյաներ այցելել են Եռաբլուր՝ հարգանքի տուրք մատուցելու պատերազմների ընթացքում զոհված զինծառայողների հիշատակին։ Պանթեոն այցելած քաղաքական գործիչների թվում էր նաև Արցախի ԱԺ փոխխոսնակ Գագիկ Բաղունցը։
Արցախի հարցին անդրադառնալով՝ նա ընդգծել է, որ այն շարունակում է մնալ իրենց քաղաքական օրակարգում։ Միաժամանակ, Բաղունցը նշել է, որ խնդիրը միայն քաղաքական հարթությամբ չի սահմանափակվում և ներառում է նաև սոցիալական, տնտեսական ու հումանիտար կարևոր բաղադրիչներ։