«Սիրուն չէ». ՌԴ ԱԽ-ն՝ ԵՄ-ի հետ մերձենալու Հայաստանի ծրագրերի մասին
Wed, 02 Sep 2026 11:30:52 +0400
Հայաստանի անցումը եվրոպական ինտեգրմանը՝ Եվրասիական տնտեսական միության (ԵԱՏՄ) անդամակցության տնտեսական առավելությունները պահպանելով, գեղեցիկ չէ։ Sputnik Live-ին տված հարցազրույցում նման կարծիք է հայտնել Ռուսաստանի Անվտանգության խորհրդի քարտուղարի տեղակալ Ալեքսեյ Շևցովը։
«ԵԱՏՄ–ի հաշվին ԵՄ անցնելը, մեղմ ասած, գեղեցիկ չէ», – հայտարարել է Շևցովը՝ մեկնաբանելով Եվրոպական միության հետ Երևանի մերձեցման ծրագրերը։
Նրա խոսքով՝ տնտեսական փոխգործակցության ներկայիս մոդելի փոփոխությունը կարող է զգալի լրացուցիչ ծախսեր առաջացնել Հայաստանի համար։ Մասնավորապես, Շևցովի գնահատմամբ, միայն այլ էներգակիրների անցումը կարող է հանրապետությանը տարեկան 1 մլրդ դոլար արժենալ։
Միևնույն ժամանակ, ՌԴ ԱԽ քարտուղարի տեղակալը կարծում է, որ ԵԱՏՄ–ից Հայաստանի հնարավոր դուրս գալը էականորեն չի ազդի միության մյուս անդամների վրա։
«Հայաստանի դուրս գալը գրեթե ոչ մի կերպ չի ազդի միության մյուս անդամների վրա: ԵԱՏՄ երկրների ներկայիս առևտրաշրջանառության մեջ հանրապետությունը կազմում է մոտ 1%-ը, ինչը հեշտությամբ փոխարինվում է համագործակցության այլ ուղղություններով», – հայտարարել է նա։
Շևցովն ընդգծել է, որ արտաքին տնտեսական և արտաքին քաղաքականության վերջնական ընտրությունը մնում է ՀՀ քաղաքացիներին:
Նրա խոսքով՝ նրանք պետք է ինքնուրույն որոշեն, թե ինչպես երկիրը պետք է զարգանա հետագայում, ում հետ առևտուր անի և հարաբերություններ կառուցի։