Խոշոր հրդեհ է բռնկվել Թուրքիայի՝ Ստամբուլի Թուզլայի արդյունաբերական շրջանում։ Տեղի ԶԼՄ-ների փոխանցմամբ՝ կրակը բռնկվել է կաշվե իրեր արտադրող ֆաբրիկայում, որը գտնվում է Օրհանլի շրջանում։ Տեղեկությունների համաձայն, կրակը արագորեն տարածվել է։ Հրդեհի բռնկման պատճառները դեռ հայտնի չեն։ Ձեռնարկությունը ծածկվել է թանձր սեւ ծխով։ Հարեւան շրջաններից այն լավ երեւում է։ Դեպքի վայրում են զգալի թվով հրշեջային հաշվարկներ, փրկարարներ արագ արձագանքման բուժբրիգադներ։ Հրդեհաշիջման աշխատանքները շարունակվում են։