Սեպտեմբերի 5-ի կեսգիշերից սկսած Կիևի ուղղությամբ հարվածներ չեն հասցվել
Sun, 06 Sep 2026 09:15:44 +0400
Սեպտեմբերի 5-ի կեսգիշերից սկսած Կիևի ուղղությամբ հարվածներ չեն հասցվել։ Այս մասին Կրեմլում ամերիկացի բանագնացների հետ հանդիպման ժամանակ հայտարարել է Ռուսաստանի նախագահ Վլադիմիր Պուտինը, հայտնում է ՏԱՍՍ-ը։
«Այսօր կեսգիշերից սկսած Կիևի ուղղությամբ հարվածներ չեն հասցվել», — նշել է Ռուսաստանի ղեկավարը։
Ավելի վաղ Պուտինը բանակցություններ էր սկսել Ուիթքոֆի և Քուշների հետ։
Ուիթքոֆն ու Քուշները Մոսկվա են ժամանել սեպտեմբերի 5-ին։ Սպասվում է, որ Պուտինի հետ բանակցություններից հետո ամերիկացի ներկայացուցիչները կմեկնեն Կիև՝ Ուկրաինայի նախագահ Վոլոդիմիր Զելենսկու հետ հանդիպելու համար։
ԱՄՆ նախագահ Դոնալդ Թրամփն ավելի վաղ հայտարարել էր, որ ամերիկացի բանագնացների այցերի նպատակը Ուկրաինայում հակամարտության դադարեցմանը նպաստելն է։