Կենսաքայքայվող դագաղ են ստացել
Thu, 10 Sep 2026 02:00:41 +0400
Ավստրալիայում առաջին անգամ հուղարկավորում իրականացնելու համար օգտագործել են կենսաքայքայվող դագաղ՝ պատրաստված սնկարմատային ցանցի եւ կանեփի մանրաթելերի համադրությունից։ Այս մասին հայտնում է The Guardian պարբերականը։ Դագաղը քայքայվում է առավելագույնը 45 օրվա ընթացքում, դառնալով հողը հարստացնող հումուսային պարարտանյութ։ Հուղարկավորությունը տեղի է ունեցել սեպտեմբերի 4-ին, Նոր Հարավային Ուելս նահանգում։ Դագաղը եղել է նիդերլանդական ընկերության արտադրանք։
Նշենք, որ նման կենսաքայքայվող դագաղներ արտադրում են աշխարհի 12 երկրում։ Գերմանիան նաեւ օրինականացրել է նմանատիպ դագաղով հուղարկավորությունները՝ իրավաբանորեն անվանելով այն «վերադարձ հողին»։