Հայաստանի 15 տարեկան երեխաների 81%-ը չի հասնում ընթերցանության նույնիսկ բազային մակարդակին․ Գոհար Ղումաշյան
Thu, 10 Sep 2026 22:09:45 +0400
Գոհար Ղումաշյանը ֆեյսբուքյան իր էջում գրել է․
«Աղետային կրթություն․
Մինչ ես Իտալիայում հանդիպումներ եմ ունենում գործարար ոլորտի հետ ու պատմում հայկական աշխատաշուկայի առավելությունների մասին` PISA 2025-ը հրապարակում է, որ Հայաստանը կրթական մի շարք ցուցանիշներով զիջում է միայն Պարագվային և Քենիային:
Այսինքն վերջից երրորդն ենք:
Ըստ այդ ցուցանիշի Հայաստանի 15 տարեկան երեխաների 81%-ը չի հասնում ընթերցանության նույնիսկ բազային մակարդակին: Այսինքն կարդացածը չի կարողանում վերլուծել, եզրահանգումներ անել և այլն: 10 տարի հետո մենք կունենանք մեծ խնդիրներ բոլոր ոլորտներում:
Որովհետև կրթությունը նորաձև չէ, արշավ ու ակադեմիական քաղաք չէ: Այն որակ է: Մենք անհապաղ պետք է ծրագրեր ստեղծենք այս իրավիճակը կարգավորելու և լուծումներ գտնելու համար: