Բենզինի գների դեմ պայքա՞ր է սկսվում
Mon, 14 Sep 2026 11:15:43 +0400
Սիրիայում բենզինի գների բարձրացումը դժգոհության նոր ալիք է առաջացրել։ Վառելիքի թանկացման դեմ բողոքող քաղաքացիները փակել են երկրի հյուսիսն ու հարավը կապող կարևորագույն M5 միջպետական ճանապարհի մի հատվածը։
Ցուցարարները փակել են Իդլիբ նահանգի Մարեթ-էն-Նուուման քաղաքով անցնող ճանապարհը՝ երթևեկությունը կասեցնելով այրվող անվադողերի և կուտակված աղբի միջոցով։
Սա առաջին դեպքը չէ, երբ վառելիքի թանկացման ֆոնին ցուցարարները խոչընդոտում են ճանապարհային երթևեկությանը։ Ավելի վաղ փակվել էր նաև Դեյր-էզ-Զոր–Ռաքքա ճանապարհը։ Բողոքի մասնակիցները փորձել էին այդ կերպ սահմանափակել բենզին տեղափոխող մեքենաների տեղաշարժը։