Ո՞ր երկիրն է կարևորում ռուսական բնական գազի մատակարարումը․ Զախարովան փակագծեր է բացել
Mon, 14 Sep 2026 11:30:47 +0400
Ճապոնիան պահպանում է ներկայությունը ռուսական նավթագազային նախագծերում և կարևոր է համարում Մոսկվայի հետ էներգետիկ համագործակցությունը։
Այս մասին ՏԱՍՍ-ի հետ զրույցում հայտարարել է Ռուսաստանի արտաքին գործերի նախարարության խոսնակ Մարիա Զախարովան։
Դիվանագետի խոսքով՝ Տոկիոն վերահաստատում է Ռուսաստանի հետ էներգետիկ հարաբերությունների, մասնավորապես՝ ռուսական բնական գազի մատակարարումների կարևորությունը Ճապոնիայի էներգետիկ անվտանգության ապահովման գործում։
Նա նշել է, որ ճապոնական ընկերությունները շարունակում են մասնակցել Ռուսաստանում նավթագազային նախագծերին, չնայած Ճապոնիան մնում է Միացյալ Նահանգների ամենամտերիմ դաշնակիցներից մեկը։
Մասնավորապես, ճապոնացի ներդրողները շարունակում են ներգրավված լինել «Սախալին-1» և «Սախալին-2» նախագծերում։