Քոչարյանների տեսակցությունների հարցը՝ նոր մանրամասներով․ ի՞նչ սահմանափակումներ են գործում
Mon, 14 Sep 2026 12:49:36 +0400
Սեդրակ Քոչարյանի տեսակցությունները քրեակատարողական հիմնարկում սահմանափակված են նրա ընտանիքի անդամներով։ Այս մասին լրագրողների հետ զրույցում հայտնել է փաստաբան Տաթևիկ Սողոյանը՝ նշելով, որ նա հանդիպումներ է ունենում բացառապես կնոջ և երեխաների հետ։
Փաստաբանը անդրադարձել է նաև Ռոբերտ Քոչարյանի տեսակցություններին։ Նրա խոսքով՝ նախկին նախագահի հետ հանդիպումների հնարավորություն ներկայում նախատեսված է միայն մերձավոր ազգականների համար։
Սողոյանը նշել է, որ Ռոբերտ Քոչարյանի մերձավոր ազգականներից մեկը պատգամավոր է, և օրենսդրությամբ նա կարող է անսահմանափակ տեսակցություններ ունենալ։ Սակայն քրեակատարողական հիմնարկը պատգամավորների համար առանձին բացառություն նախատեսված չլինելու հիմքով այդ հանդիպումները դիտարկում է ընդհանուր կարգով։
Արդյունքում, ինչպես նշել է փաստաբանը, մերձավոր ազգականների համար սահմանված է ամսական երկու տեսակցության հնարավորություն։
Անդրադառնալով Ռոբերտ Քոչարյանի առողջական վիճակին՝ Սողոյանը նշել է, որ այն համեմատաբար լավ է։ Միաժամանակ փաստաբանը ընդգծել է, որ Քոչարյանին ցուցված է գտնվել սրտաբանի մշտական հսկողության ներքո։