Մեկանրկել է «Սպայկայի» դատավարությունը
Tue, 15 Sep 2026 22:50:53 +0400
Մոսկվայում մեկնարկել է «Սպայկա Ռուս» ՍՊԸ հիմնադիր եւ գլխավոր տնօրեն Դավիթ Ղազարյանի եւ Արայիկ Սարուխանյանի դատավարությունը։ Ընկերությունը Հայաստանից պտուղ-բանջարեղենի խոշորագույն արտահանող «Սպայկայի» դուստր-ձեռնարկությունն է։
Նրանք մեղադրվում են Ռուսաստանից 44 միլիարդ ռուբլի դուրս բերելու մեջ։ Ըստ մեղադրանքի, գործարարները գումարը դուրս են բերել երկրից կեղծ պայմանագրերով, ԱԱՀ վճարելուց խուսափելով եւ միջոցների օրինականացումով։ Միայն ԱԱՀ վճարումից խուսափելու մասով գումարը կազմում է 5 միլիարդ ռուբլի։ Համաձայն քննության նյութերի, 2015-18 թթ երկիր է մուտք գործել կնքված պայմանագրերով մատակարարված արտադրանքի համախառն արժեքի միայն 2 տոկոսը։ Հարկերը չեն վճարվել, իսկ դուրս բերված փողերը ներդրվել են բաժնետոմսերի մեջ։ Գործը հարուցվել է 2019 թվականին։ Հետաքննությունը երկու անգամ սառեցվել է, սակայն այս տարվա օգոստոսին արդեն մուտք է արվել դատարան։ Ղազարյանին ավելի վաղ մեղադրել են 17 միլիոն դոլարի հարկեր չվճարելու մեջ։ Սակայն վնասների հատուցումից հետո հետապնդումը դադարեցվել է։ 25 թվականի մարտ ամսին հեռակա կերպով երկու գործարարներին մեղադրանք է ներկայացվել եւ նրանց նկատմամբ հայտարարվել է հետախուզում։ Ղազարյանը համարվում է կազմակերպիչը, Սարուխանյանը՝ իրականացնողը։ Այս մասին հայտնում է «Ալֆանյուզը»: