Արցախի հայաթափման տարելիցին երթ է անցկացվել դեպի Եռաբլուր
Sat, 19 Sep 2026 20:19:40 +0400
Այսօր՝ 2026 թվականի սեպտեմբերի 19-ին, դեպի «Եռաբլուր» զինվորական պանթեոն կայացած համազգային լուռ սգո երթին մասնակցել են Արցախյան պատերազմներում զոհվածների ծնողները, հարազատները, արցախցի հասարակական-քաղաքական գործիչներ և հարյուրավոր քաղաքացիներ:
Երթը կազմակերպվել էր Արցախի դեմ ադրբեջանական լայնածավալ հարձակման և արցախահայության բռնի տեղահանման 3-րդ տարելիցի կապակցությամբ:
Երթի հիմնական մասնակիցներն ու ներկաները եղել են՝ զոհվածների ընտանիքների անդամներ և հարազատներ, ովքեր տանում էին իրենց որդիների լուսանկարները, ծաղիկներ, ինչպես նաև Հայաստանի ու Արցախի դրոշները:Հոգևորականներ (հոգևոր հայրեր), որոնց առաջնորդությամբ և աղոթքներով ընթացել է երթի մի մասը:
Արցախի հասարակական կազմակերպությունների և քաղաքական դաշտի ներկայացուցիչներ, այդ թվում՝ «Արցախի մայրություն» ՀԿ նախագահ Հասմիկ Միքայելյանը, Արցախի նախկին պաշտոնյա Անահիտ Հակոբյանը և Արցախի վերջին նախագահ Սամվել Շահրամանյանը, քաղաքական գործիչներ։
Մասնակիցները «Եռաբլուրում» ծաղիկներ են խոնարհել «Արցախի կանչը» հուշակոթողին և հրապարակել միջազգային հանրությանն ուղղված նամակ-խնդրագիր՝ պահանջելով հարգել արցախցիների վերադարձի իրավունքը: