Հրաձգության հետևանքով աշակերտներ են վիրավորվել
Tue, 22 Sep 2026 11:00:18 +0400
Անհայտ անձը կրակ է բացել Թուրքիայի Մանիսա քաղաքի Թուրգութլու շրջանում գտնվող Ինջե Յուզմեզ անատոլիական մասնագիտական ավագ դպրոցի առջև։
Թուրքական լրատվամիջոցների փոխանցմամբ՝ կրակոցների հետևանքով վիրավորվել է առնվազն չորս աշակերտ։
Դեպքը տեղի է ունեցել տեղական ժամանակով առավոտյան ժամը 8:00-ի սահմաններում Ալբայրակ թաղամասում։
Հարձակման մասին հաղորդում ստանալուց հետո դեպքի վայր են ուղարկվել բազմաթիվ ոստիկանական և շտապօգնության խմբեր։
Կրակողի ինքնությունը և միջադեպի պատճառը դեռևս պարզված չեն։ Արտակարգ իրավիճակների ծառայությունները շարունակում են աշխատել դեպքի վայրում։