Արոնյանը չի խաղա Հայաստանի հավաքականի դեմ
Wed, 23 Sep 2026 10:37:55 +0400
Ուզբեկստանի Սամարղանդ քաղաքում շարունակվող Շախմատի համաշխարհային օլիմպիադայում սեպտեմբերի 23-ին կանցկացվի 7-րդ տուրը։ Օրվա կենտրոնական դիմակայություններից մեկը Հայաստանի և ԱՄՆ-ի հավաքականների միջև հանդիպումն է, սակայն այս մրցավեճում Լևոն Արոնյանը նախկին թիմի դեմ շախմատի տախտակի առջև չի հայտնվի։
ԱՄՆ-ի հավաքականի կազմում ընդգրկված հայ գրոսմայստերը չի մասնակցի Հայաստանի դեմ հանդիպմանը։ Ամերիկյան թիմի կազմում այս տուրում հանդես կգան Ֆաբիանո Կարուանան, Հիկարու Նակամուրան, Հանս Նիմանը և Էվոնդեր Լյանը։
Հայաստանի հավաքականը մրցամարտին մոտենում է բարձր դիրքերից։ Առաջին վեց տուրերում հայ շախմատիստները գրանցել են հինգ հաղթանակ և մեկ ոչ-ոքի՝ վաստակելով 11 միավոր։