Հայաստան–Չեռնոգորիա․ վերջնական հայտացուցակները
Mon, 28 Sep 2026 14:15:23 +0400
Այսօր՝ սեպտեմբերի 28-ին, Հայաստանի ազգային հավաքականը ՈւԵՖԱ Ազգերի լիգայի C լիգայի C2 խմբի երկրորդ տուրի շրջանակում Երևանի Վազգեն Սարգսյանի անվան «Հանրապետական» մարզադաշտում կընդունի Չեռնոգորիայի ընտրանուն։
Հանդիպումից առաջ հայտնի են դարձել երկու հավաքականների վերջնական հայտացուցակները։
Հայաստանի հավաքականի դարպասապահներն են Օգնյեն Չանչարևիչը, Արսեն Բեգլարյանը և Գոռ Մատինյանը։ Պաշտպանական գծում ընդգրկվել են Արտյոմ Բանդիկյանը, Էրիկ Փիլոյանը, Գեորգի Հարությունյանը, Արգիշտի Պետրոսյանը, Խարիտոն Այվազյանը, Դավիդ Տերտերյանը, Նաիր Թիկնիզյանը և Էրիկ Սիմոնյանը։
Հայաստանի կիսապաշտպանների կազմում են Ուգոչուկվու Իվուն, Էդգար Սևիկյանը, Կառլեն Հովհաննիսյանը, Արթուր Սերոբյանը, Էդուարդ Սպերցյանը, Գոռ Մանվելյանը, Կարեն Նալբանդյանը, Արթուր Միրանյանը, Կարեն Մուրադյանը և Նարեկ Հովհաննիսյանը։ Հարձակման գծում թիմին կօգնեն Ժիրայր Շաղոյանն ու Արթուր Ղարիբյանը։
Հայաստանի ազգային հավաքականը գլխավորում է Եղիշե Մելիքյանը։
Չեռնոգորիայի հավաքականի դարպասը կպաշտպանեն Բալշա Պոպովիչը, Դանիել Պետկովիչը և Իգոր Նիկիչը։ Պաշտպանությունում ընդգրկվել են Միլան Ռոգանովիչը, Ռիստո Ռադունովիչը, Անդրեյ Ջուրիչը, Իգոր Վույաչիչը, Սլոբոդան Ռուբեժիչը, Մարկո Վեշովիչը, Ստեֆան Սավիչը և Օգնեն Գաշևիչը։
Չեռնոգորիայի կիսապաշտպանական գիծը կազմել են Մարկո Յանկովիչը, Մարկո Շիմունը, Միլով Բռնովիչը, Վասիլիե Աջիչը, Ալեքսա Լատկովիչը, Անդրիա Բուլատովիչը, Ստեֆան Լոնչարը և Դուշան Վուկովիչը։ Հարձակման գծում ընդգրկված են Նիկոլա Կրստովիչը, Ստևան Յովետիչը, Վիկտոր Ջուկանովիչը և Միլուտին Օսմաիչը։
Չեռնոգորիայի հավաքականի գլխավոր մարզիչը նախկին հայտնի ֆուտբոլիստ Միրկո Վուչինիչն է։