Նոր մանրամասներ` Շաքիի դեպքից. կինը հիվանդանոցում է
Thu, 01 Oct 2026 17:20:49 +0400
Գրել էինք, որ Սիսիանի Շաքի բնակավայր է ներթափանցել ադրբեջանցի եւ կրակել ՀՀ քաղաքացու վրա։ ԱԱԾ-ն եւս հաստատել էր լրատվամիջոցների ինֆորմացիան։
Մեզ հասած տեղեկություններով` վնասվածք է ստացել 5 երեխաների մայր, նա փորձել է վնասազերծել ադրբեջանցուն, դանակով հարվածել է նրան, որից հետո հակառակորդը կրակել է կնոջ ուղղությամբ եւ դիմել փախուստի։ Կինն էլ ահազանգել է ոստիկանություն եւ շտապ օգնություն։
Սիսիանի ԲԿ-ի տնօրեն Անիկ Գրիգորյանը մեզ ասաց` կինը հետազոտման փուլում է, կյանքին վտանգ չի սպառնում, այլ մանրամասներ հրաժարվեց հայտնել։