Հավելյալ ՀՕՊ ուժեր են ուղարկել Մերձավոր Արեւելք
Fri, 02 Oct 2026 18:30:34 +0400
Միացյալ Նահանգները Patriot համակարգերի հավելյալ երկու հաշվարկ են ուղարկել Մերձավոր Արեւելք՝ պաշտպանելու համար Սաուդյան Արաբիայի եւ Քաթարի նավագազային օբյեկտները։ Այս մասին հայտնում է Axios պարբերականը։ Այդ քայլով, ըստ հոդվածի, Միացյալ Նահանգները փորձում է իր երկու դաշնակիցներին հավաստիացնել, որ կպաշտպանի նրանց առանցքային էներգետիկ օբյեկտները, եթե նախագահ Դոնալդ Թրամփը որոշի վերսկսել լայնածավալ ռազմական գործողություններն ընդդեմ Իրանի։
Հաշվարկները ռեգիոն ուղարկվել են անցյալ ամիս։ Axios-ը նաեւ հայտնում է, որ Մերձավոր Արեւելք է ուղարկվել նաեւ «Թեոդոր Ռուզվելտ» ավիակիր ռազմական հածանավն իր հարվածային խմբով։ Այն Մերձավոր Արեւելք կհասնի նոյեմբերի կեսերին։ Այն կմիանա «Ջորջ Բուշ» ռազմանավին, որը ներկայումս գտնվում է ռեգիոնում եւ «Ջորջ Վաշինգտոնին», որը ամառը դուրս էր եկել Ճապոնիայից եւ ներկայումս արդեն մեկ ամիս է գտնվում է Մերձավոր Արեւելքում։